மியன்மார் நிலநடுக்கத்தில் 700 முஸ்லிம்கள் உயிரிழப்பு..? பள்ளிவாசல்கள் நிர்மூலம் - மீட்பு நடவடிக்கைகளை தவிர்க்கும் இராணுவம்

7.7 ரிக்டர் அள­வி­லான நில­ந­டுக்­கத்தில் பல பள்­ளி­வா­யல்கள் நிர்­மூ­ல­மா­கி­யுள்­ள­தாக உள்­ளூர்­வா­சிகள் தெரி­வித்­துள்­ளனர். மீட்பு நட­வ­டிக்­கை­களில் முஸ்லிம் பிர­தே­சங்கள் தவிர்க்­கப்­ப­டு­வ­தா­கவும் குற்­றச்­சாட்­டு­களை முன்­வைத்­துள்­ளனர்.

வெள்­ளிக்­கி­ழமை மியான்­மரைத் தாக்­கிய 7.7 ரிச்டர் அள­வி­லான நில நடுக்கப் பேர­ழிவில் சுமார் 700 முஸ்­லிம்கள் கொல்­லப்­பட்­ட­தாக உள்ளூர் முஸ்­லிம்கள் தெரி­வித்­துள்­ளனர்.

புனித ரமழானின் இறுதி வெள்­ளிக்­கி­ழ­மை­யன்று ஜும்ஆத் தொழு­கையின் போது நில­ந­டுக்கம் ஏற்­பட்­டது, அதன்­போது, பல பர்­மிய முஸ்­லிம்கள் (ரோஹிங்­கி­யாக்கள் அல்லர்) பள்­ளி­வா­யல்­களில் கூடி­யி­ருந்­தனர்.

தாய்­லாந்தில் உள்ள நாடு­க­டந்து வாழும் பர்­மி­யர்­களால் நடத்­தப்­படும் செய்தி வலைத்­த­ள­மான தி இரா­வதி (The Irrawaddy) நில­ந­டுக்­கத்தால் மிக மோச­மாகப் பாதிக்­கப்­பட்ட மண்­டலே மற்றும் சகாயிங் பகு­தி­களில் 60 பள்­ளி­வா­சல்கள் அழிக்­கப்­பட்­ட­தாக திங்­க­ளன்று ஸ்பிரிங் புரட்சி மியான்மர் முஸ்லிம் வலை­ய­மைப்பை மேற்கோள் காட்டி செய்தி வெளி­யிட்­டது.

இந்த பள்­ளி­வா­சல்­களுள் பெரும்­பா­லா­னவை 19 ஆம் நூற்­றாண்டில் கட்­டப்­பட்­ட­வை­யாகும் எனக் கூறப்­ப­டு­கி­றது.

மண்­டலே, சாகெய்ங், நய்­பிடாவ், பைன்­மனா, பியாவ்ப்வே, யமெதின், தாஸி, மெய்க்­டிலா, கியாக்ஸே மற்றும் பலேக் நக­ரங்­களில் உள்ள பள்­ளி­வா­சல்ளும் குறிப்­பி­டத்­தக்க சேதத்தை எதிர்­கொண்­டுள்­ளன..

‘இந்த மாதம் ரமழான் என்­பதால் வெள்­ளிக்­கி­ழமை தொழு­கையின் போது ஏற்­பட்ட நில­ந­டுக்கம் கார­ண­மாக அதிக உயி­ரி­ழப்­புகள் ஏற்­பட்­ட­தாக நாங்கள் மதிப்­பி­டு­கிறோம். எங்­க­ளிடம் இன்னும் சரி­யான புள்­ளி­வி­வ­ரங்கள் இல்லை, ஆனால் நூற்­றுக்­க­ணக்­கா­ன­வர்கள் கொல்­லப்­பட்­டனர் என்­பது எங்­க­ளுக்குத் தெரியும்,’ என முஸ்லிம் கோ ஷாகி ஊட­கத்­தினால் மேற்கோள் காட்­டப்­பட்­டுள்­ளது.

மியான்­மரின் இரண்­டா­வது பெரிய நக­ர­மான மண்­ட­லேயில் குறைந்­தது 18 பள்­ளி­வா­சல்கள் சேத­ம­டைந்­தன, அவற்றுள் பல 19 ஆம் நூற்­றாண்டின் கட்­டி­டங்­க­ளாகும். அவை ஒரு­போதும் பழு­து­பார்க்­கப்­ப­டி­ருக்­க­வில்லை என்று முஸ்லிம் கோ ஷாகி­யினால் தெரி­விக்­கப்­பட்­டுள்­ளது.

இரா­ணுவ ஆத­ரவு பெற்ற தீவிர தேசி­ய­வாதக் குழு­வான இனம் மற்றும் மதப் பாது­காப்பு சங்கம் (மா பா தா), நாட்டில் பள்­ளி­வா­சல்­க­ளுக்கு எதிர்ப்பு உணர்­வு­களை வளர்ப்­பதில் குறிப்­பி­டத்­தக்க பங்கைக் கொண்­டி­ருந்­தது என்றும் கோ ஷாகி­யினால் குறிப்­பி­டப்­பட்­டுள்­ளது.

வழக்­க­மான பரா­ம­ரிப்பு பணி­க­ளுக்கு அனு­மதி மறுக்­கப்­ப­டு­வ­ததை காரணம் காட்டி 2017 ஆம் ஆண்டு, அமெ­ரிக்க இரா­ஜாங்கத் திணைக்­களம் அது தொடர்பில் எச்­ச­ரிக்கை விடுத்­தது.

சேதங்கள் தொடர்­பான ஆரம்ப அறிக்கைகளில் மடாலயங்களைச் சேர்த்திருந்தாலும், அழிவடைந்த சொத்துக்களுள் பள்ளிவாசல்களை இராணுவ ஆட்சிக்குழு பட்டியல் இடவில்லை.

இராணுவ ஆட்சி குழுவின் மீட்புக் குழுக்கள் பள்ளிவாசல்களில் தேடல் மற்றும் மீட்பு முயற்சிகளை மேற்கொள்ளவில்லை என்றும் தெரிவிக்கப்பட்டுள்ளது.

Vidivelli, 

(எம்.ஐ.அப்துல் நஸார்)