கல்-எளிய முஸ்லிம் அரபுக் கல்லூரி: சொத்துக்களை வக்ப் செய்வதற்கு நிர்வாகம் ஆட்­சே­பனம்

(எப்.அய்னா)

கல் – எளிய முஸ்லிம் மகளிர் அரபுக் கல்­லூ­ரி­ வி­வ­கா­ரத்தில், அக்­கல்­லூரி பெயரில் உள்ள அனைத்து சொத்­துக்­க­ளையும் வக்ப் சொத்­துக்­க­ளாக பதிவு செய்ய, அக்­கல்­லூ­ரியின் தற்­போ­தைய நிர்­வாகம் ஆட்­சே­பனம் வெளி­யிட்­டுள்­ளது. கல் – எளிய முஸ்லிம் மகளிர் அரபுக் கல்­லூரி விவ­கார சொத்­துக்கள் தொடர்பில் வக்ப் சபையில் இடம்­பெறும் விசா­ர­ணை­களின் போது, கடந்த வாரம் இந்த ஆட்­சே­ப­னங்­களை தாக்கல் செய்ய, கல்­லூரி நிர்­வாகம் சார்பில் ஆஜ­ரான சட்­டத்­த­ரணி அனு­மதி கோரி­யுள்ளார்.

முஸ்லிம் பெண்­களின் கல்வி மேம்­பாட்­டுக்கு என உரு­வாக்­கப்­பட்ட, பாரா­ளு­மன்­றத்தில் கூட்­டி­ணைக்­கப்­பட்ட சட்டம் ஊடாக குறிக்­கோள்­களுக்குள் அடங்கும் இக்­க­ல்லூ­ரி­யி­னதும் அதன் துணை நிறு­வ­னங்கள் மற்றும் சொத்­துக்­களின் பாது­காப்­பையும் இருப்­பையும் உறுதி செய்யக் கோரி கடந்த 2024 பெப்­ர­வரி 6ஆம் திகதி முஸ்லிம் அலு­வலக பண்­பாட்­ட­லு­வல்கள் திணைக்­கள பணிப்­பா­ள‌­ருக்கு அளித்த எழுத்து மூல முறைப்­பாட்­டுக்கு அமைய, டப்­ளியூ.பி/10198/2025 எனும் மனு வக்ப் சபையால் விசா­ர­ணைக்கு எடுக்­கப்­பட்­டது.

கல் – எளிய முஸ்லிம் மகளிர் அரபுக் கல்­லூ­ரியின் பழைய மாண­விகள், குறித்த கல்­லூரி நிர்­வா­கத்­துக்கு உரி­மை கோரும் இதற்கு முன்னர் இருந்த நிர்­வாக சபையின் உறுப்­பி­னர்கள் சிலர், நலன் விரும்­பிகள் மற்றும் பெற்­றோர்கள் என பலர் இணைந்து இம்­ம­னுவை சமர்ப்­பித்­தி­ருந்த நிலையில் இவ்­வி­சா­ர­ணைகள் ஆரம்­பிக்­கப்­பட்­டுள்­ளன. மனுவில், தற்­போ­தைய நிர்­வாக சபையின் உறுப்­பி­னர்கள் உள்­ளிட்­ட­வர்கள் பிர­தி­வா­தி­க­ளாக பெய­ரி­டப்­பட்­டுள்­ளனர்.

அதன்­படி கடந்த வாரம் புதன்கிழமை, இம்­மனு தொடர்பில் வக்ப் சபை தலைவர் மொஹிதீன் ஹுசைன் தலை­மை­யி­லான சட்­டத்­த­ரணி மதீன், ஓய்வு பெற்ற சிரேஷ்ட பொலிஸ் அத்­தி­யட்சர் மஹீல் டூல், முஸ்­தபா ராசா உள்­ளிட்ட குழு­வினர் முன்­னி­லையில் விசா­ர­ணைக்கு எடுக்­கப்­பட்­டது.

இதன்­போது, மனு­தாரர் தரப்பில் சிரேஷ்ட சட்­டத்­த­ரணி ருஷ்தி ஹபீப் தலை­மையில் சட்­டத்­த­ர­ணி­க­ளான வசீமுல் அக்ரம், ஷஹ்மி பரீட் உள்­ளிட்ட குழு­வினர் ஆஜ­ரா­கினர்.

பிர­தி­வா­தி­களின் சில­ருக்­காக சட்­டத்­த­ரணி ரியாஸ் ஆஜ­ரானார்.

இதன்­போது, மேன்­மு­றை­யீட்டு நீதி­மன்றின் முன்னாள் நீதி­பதி ஸ்ரீஸ்­கந்­த­ரா­ஜாவால் வழங்­கப்­பட்­டுள்ள, மரு­தானை சின்­னப்­பள்ளிவாசல் வழக்கு தீர்ப்பில் குறிப்­பி­டப்­பட்­டுள்ள நிய­மங்­களை மையப்­ப‌­டுத்தி மனு­தாரர் தரப்பில், கல் – எளிய முஸ்லிம் மகளிர் அரபுக் கல்­லூ­ரியின் சொத்­துக்கள் வக்ப் சொத்­துக்­க­ளாக பதிவு செய்­யப்­படல் வேண்டும் எனவும் அதற்­கான உத்­த­ரவை வக்ப் சபை பிறப்­பிக்க வேண்டும் எனவும் கோரப்­பட்­டுள்­ளது.

எனினும் இதன்­போது பிர­தி­வா­தி­க­ளுக்­காக ஆஜ­ரா­கி­யுள்ள சட்­டத்­த­ரணி ரியாஸ், குறித்த சொத்­துக்­களை வக்ப் சொத்­துக்­க­ளாக அங்­கீ­க­ரிப்­பதை ஆட்­சே­பித்­துள்­ள­துடன், அது தொடர்பில் தமது தரப்பு விளக்­கங்­களை முன் வைக்க பிறிதொரு திக­தியை கோரி­யுள்ளார்.

இதனை ஆராய்ந்த வக்ப் சபை, கல் – எளிய முஸ்லிம் மகளிர் அரபுக் கல்­லூரி சொத்­துக்­களை வக்ப் செய்யக் கூடாது என்­ப­தற்­கான நியா­யங்கள் இருப்பின் அவற்றை எதிர்­வரும் பெப்­ர­வரி மாதம் 5 ஆம் திகதி சமர்ப்­பிக்க உத்­த­ர­விட்­ட­துடன் இது குறித்த முறைப்­பாட்டை எதிர்­வரும் பெப்­ர­வரி 25 ஆம் திகதி விசா­ரணை செய்ய தீர்­மா­னித்­தது.

இதே­வேளை, கல் – எளிய முஸ்லிம் மகளிர் அரபுக் கல்­லூ­ரி­ வி­வ­கா­ரத்தில் அத்­த­ன­கல்ல மாவட்ட நீதி­மன்றில் தாக்கல் செய்­யப்­பட்­டுள்ள வழக்கில், தற்­போ­தைய நிர்­வா­கத்­துக்கு எதி­ரான சில தடை உத்­த­ர­வுகள் நீக்­கப்­பட்­ட­மைக்கு எதி­ராக, கம்­பஹா மாவட்ட சிவில் மேல் நீதி­மன்றில் வழக்கு தாக்கல் செய்­யப்­பட்­டுள்ள நிலையில், அவ்­வ­ழக்கு நிலு­வையில் உள்­ளது.

அத்­துடன் கல் – எளிய முஸ்லிம் மகளிர் அரபுக் கல்­லூ­ரி­ வி­வ­கா­ரத்தில், அக்­கல்­லூ­ரியில் கற்கும் மாண­வர்­களின் உள்­ளக பரீட்சாத்திகளாக பரீட்சைக்கு தோற்றும் உரிமை, இலவச பாடப்புத்தகம் மற்றும் இலவச சீருடை உரிமையை தற்போதைய நிர்வாகம் விட்டுக் கொடுத்துள்ளதாகவும், அவற்றை தொடர்ந்து அக்கல்லூரி மாணவிகளுக்கு வழங்க வேண்டும் எனக் கோரி மேன் முறையீட்டு நீதிமன்றிலும் மனுவொன்று தாக்கல் செய்யப்பட்டு அம்மனுவும் நிலுவையில் உள்ளமை இங்கு சுட்டிக்காட்டத்தக்கது.- Vidivelli