4000 மாணவர்களுக்கு பாடசாலை உபகரணங்கள் வழங்கிய ஸம் ஸம்

ஸம் ஸம் பவுண்டேஷன் இன் School with a Smile 2025 வேலை திட்டத்தின் பிரதான நிகழ்வு  குருநாகலை மாகாணசபை கேட்போர் கூடத்தில் நடைபெற்றது.

குறைந்த வருமானம் பெறும் குடும்பங்களைச் சேர்ந்த மாணவர்களின் கல்விக்குக் கைகொடுக்கும் நோக்கில் கடந்த 10 வருடங்களாக இந்த வேலைத்திட்டத்தை ஸம் ஸம் நிறுவனம் முன்னெடுத்து வருகிறது.

இவ்வருடம் சுமார் 16 மில்லியன் ரூபா பெறுமதியான பாடசாலை உபகரணங்கள் இத திட்டத்தின் கீழ் 4000 மாணவர்களுக்கு வழங்கப்பட்டுள்ளது.

இந்நிகழ்வில் வடமேல் மாகாண பிரதான அமைச்சின் செயலாளர் டீ.எம்.கே.ஸீ திஸானாயக்க, வலய கல்விப் பணிப்பாளர்கள், கல்வி அதிகாரிகள்,மதத் தலைவர்கள், ஸம் ஸம்  நிறுவனத்தின் உறுப்பினர்கள்,நலன் விரும்பிகள் கலந்து சிறப்பித்தனர்.

Diamond Best Food அதனது Diamond Nutrition Care வேலைதிட்டத்தின் கீழ்  4000 மாணவர்களுக்கு மூன்று மாத காலதிற்கு இலவசமாக பால் மா  வழங்க ஸம் ஸம் நிறுவனத்துடன் கைகோர்த்துள்ளதுடன் அதன் ஆரம்பகட்ட விநியோகமும் நடைபெற்றது.

Diamond Best Food நிறுவனத்தின் பணிப்பாளர் அல்ஹாஜ்.அலி பஹ்மி உட்பட அதன் பிரதானிகள் நிகழ்வில் கலந்து கொண்டனர்.