யேமன் மீது இஸ்ரேல் தாக்குதல் - வெளியாகியுள்ள புதிய தகவல்கள்

யேமன் தலைநகர் சனாவில் உள்ள இரண்டு மத்திய மின் நிலையங்கள் மற்றும் அஸ்-சாலிஃப், ஹொடைடா மற்றும் ராஸ் இசா எண்ணெய் முனையம் ஆகியவற்றின் மீது இஸ்ரேலியப் படைகள் குண்டுவீசித் தாக்கியதில் யேமனில் குறைந்தது ஒன்பது பேர் கொல்லப்பட்டதாக ஹூதியுடன் இணைந்த அல் மசிரா தொலைக்காட்சி கூறுகிறது.

பலியானவர்களில் ஏழு பேர் அஸ்-சாலிஃப் மற்றும் இரண்டு பேர் ராஸ் இசாவில் கொல்லப்பட்டனர். ராஸ் இசாவில் மற்றொரு நபர் காயமடைந்தார், ஹொடைடா துறைமுகத்தில் மேலும் இருவர் காயமடைந்தனர்.

இஸ்ரேலிய தாக்குதல்களால் சனாவிற்கு அருகில் உள்ள ஹெசியாஸ் மற்றும் தஹ்பன் மின் நிலையங்களில் தீப்பிடித்தது.

இஸ்ரேலின் இராணுவம் தாக்குதல்களை உறுதிப்படுத்தியது, ஹூதிகள் இராணுவ நோக்கங்களுக்காக யேமனில் "துறைமுகங்கள் மற்றும் எரிசக்தி உள்கட்டமைப்பை" தாக்கியதாக இஸ்ரேலிய செய்தித் தொடர்பாளர் கூறினார்.

ஏமனில் இருந்து ஏவப்பட்டதாகக் கூறப்படும் ஏவுகணையை இஸ்ரேலிய இராணுவம் இடைமறித்த சில மணிநேரங்களுக்குப் பிறகு இந்த தாக்குதல்கள் நடந்தன.

மூத்த ஹூதி அதிகாரியான முகமது அல்-புகைதி, இஸ்ரேலிய தாக்குதல்களை கடுமையாக சாடியதோடு, கிளர்ச்சிக் குழு "காசாவில் இனப்படுகொலை குற்றங்கள் நிறுத்தப்படும் வரை  தாக்குதல்கள் விரிவாக்கத்துடன் அதிகரிக்கும்" என்றார்.

இஸ்ரேல் இதற்கு முன்பு ஜூலை மற்றும் செப்டம்பர் மாதங்களில் ஹொடைடாவைத் தாக்கி குறைந்தது நான்கு பேரைக் கொன்றது. டெல் அவிவ் மற்றும் பென் குரியன் விமான நிலையத்தின் மீது ஹூதி ஆளில்லா விமானம் மற்றும் ஏவுகணைத் தாக்குதல்களைத் தொடர்ந்து இந்த தாக்குதல்கள் நடந்தன.