தான் எழுதிய பரீட்சை குறித்து, நாமல் வழங்கியுள்ள விளக்கம்

11 வருடங்களுக்கு முன்னர் எனது சட்டப் பரீட்சையின் போது நான் முன்னுரிமை பெற்றதாக குற்றப் புலனாய்வு திணைக்களத்தில் முறைப்பாடு செய்யப்பட்டுள்ளதாக செய்தியில் வாசித்தேன். 

எனக்கு எதிரான பல குற்றச்சாட்டுகளைப் போலவே பல ஆண்டுகளாக அரசியல் இலாபங்களுக்காக மட்டுமே பயன்படுத்தப்படும் இத்தகைய குற்றச்சாட்டுகள் முற்றிலும் ஆதாரமற்றவை மற்றும் எப்போதும் நியாயமான நற்பெயரைப் பேணி வரும் இலங்கை சட்டக் கல்லூரியின் நம்பகத்தன்மையை கடுமையாகக் குறைமதிப்பிற்கு உட்படுத்துகின்றன. நான் உட்பட யாரும் சிறப்பு சலுகை அளிக்கப்படவில்லை என்று திட்டவட்டமாக கூறுகிறேன். 

இந்தக் கூற்றுக்கள் எனது நற்பெயருக்குக் களங்கம் ஏற்படுத்தவும் இலங்கை சட்டக் கல்லூரியின் நம்பகத்தன்மையைக் குலைக்கும் ஒரு முயற்சி மட்டுமே. தற்போதைய அரசாங்கத்தின் திறமையின்மை மற்றும் பல NPP எம்.பி.க்கள் வழங்கிய பொய்யான கல்வித் தகுதிகள் ஆகியவற்றிலிருந்து பொதுமக்களை திசைதிருப்ப இதுபோன்ற தந்திரோபாயங்கள் பயன்படுத்தப்படுவது ஏமாற்றமளிக்கிறது.

நாட்டின் மூன்றாவது உயர் பதவியில் இருக்கும் அதிகாரி ராஜினாமா செய்யும் போது, அது அரசாங்கத்தை தளம்பலடைய செய்கிறது

எனவே, சபாநாயகர் நியமனத்தில் போலித் தகுதிகள் இருப்பதாகக் கூறப்படும் சர்ச்சையானது கவனத்திற்குரிய மிகவும் தீவிரமான விடயமாகும்.

எனது சட்டப் பரீட்சைகளின் போது முன்னுரிமை அளித்தமை என அழைக்கப்படும் விசாரணையின் முடிவு ஏதேனும் தவறான புரிதல்களை நீக்கும் என்று நான் நம்புகிறேன், மேலும் செயல்பாட்டில் எனது முழு ஒத்துழைப்பையும் நான் உறுதியளிக்கிறேன். உண்மை வெல்லும், எனது மற்றும் இலங்கை சட்டக் கல்லூரியின் நற்பெயரும் நிலைநாட்டப்படும் என்பது எனது உறுதியான நம்பிக்கை.