சாரதி மீது மிளகாய்த் தூளை வீசி, வேட்பாளருக்கு பொல்லடித் தாக்குதல்

 மொனராகலை மாவட்டத்தில் போட்டியிடவுள்ள வேட்பாளர் ஒருவர் பயணித்த ஜீப் வாகனத்தை வழிமறித்த இனங்காணாத நபரொருவர், சாரதியின் முகத்தில் மிளகாய்த் தூளை வீசி வேட்பாளரை பொல்லால் தாக்கி காயப்படுத்தியதாக தம்பகல்ல பொலிஸார் தெரிவித்தனர்.

இந்த சம்பவம் மொனராகலை, தம்பகல்ல பிரதேசத்தில் இடம்பெற்றுள்ளது. காயமடைந்த இருவரும் மொனராகலை கிரிகல வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

சந்தேக நபரை கைது செய்வது தொடர்பில் பொலிஸார் விசாரணைகளை ஆரம்பித்துள்ளனர்.