ஆத்திரமூட்டிய இஸ்ரேலியர்கள் மீது விரட்டி விரட்டித் தாக்குதல் 60 பேர் கைது, நெதர்லாந்தில் சம்பவம்

நெதர்லாந்திற்கு கால்பந்துபோட்டியை காண சென்ற இஸ்ரேல் கால்பந்து ரசிகர்களை அரபுதேச ஆதரவாளர்கள், கடுமையாக தாக்கியுள்ளதாக சர்வதேச ஊடகங்கள் செய்தி வெளியிட்டுள்ளன.

குறித்த தாக்குதல் சம்பவமானது நேற்றைய தினம் (07) மேற்கொள்ளப்பட்டதாக ஊடகங்கள் தெரிவித்துள்ளன.

இஸ்ரேல் கால்பந்து ரசிகர்கள் ஐரோப்பிய நாடான நெதர்லாந்திற்கு கால்பந்துபோட்டியை காண்பதற்கு சென்றுள்ளனர்.

இந்தநிலையில், கால்பந்து போட்டி நடந்த முடிந்த பின்னர் இஸ்ரேலிய ரசிகர்கள் சிலர் அரபு தேசத்தின் ஆதரவாளர்களை நோக்கி ஆத்திரமூட்டும் வகையில் கோஷமிட்டதாக தெரிவிக்கப்பட்டுள்ளது.

இதனால் ஆத்திரம் அடைந்த அரபுதேச ஆதரவாளர்கள், இஸ்ரேலிய ரசிகர்களை கடுமையாக தாக்கிதாக குறிப்பிடப்பட்டுள்ளது.

குறித்த தாக்குதலில் ஐந்து பேர் காயமடைந்த நிலையில் மருத்துவமனையில் அனுமதிக்கப்பட்டுள்ளனர்.

மேலும், தாக்குதலில் ஈடுபட்டதாக அரபுதேச ஆதரவாளர்கள் 60 பேரை நெதர்லாந்து காவல்துறையினர் கைது செய்துள்ளமை குறிப்பிடத்தக்கது.