ஆங்கில போட்டியில் மாணவி ஆதிலா சாதனை.

(சுலைமான் றாபி)

கடந்த திங்கட்கிழமை (14) திருகோணமலையில் நடைபெற்று முடிந்த கிழக்கு மாகாணமட்ட ஆங்கில தினப் போட்டியில் (Hand Writing ) ஆங்கில கையெழுத்துப் போட்டியில், அக்கரைப்பற்று கல்வி வலயத்தினைச் சேர்ந்த பாயிஸ் ஆதிலா இஸ்ஸத் எனும் மாணவி, மாகாண மட்டத்தில் முதலாம் இடத்தினைப் பெற்று தேசியமட்டத்திற்கு தெரிவாகியுள்ளார்.

அக்கரைப்பற்று முஹம்மதிய்யா கனிஷ்ட வித்தியாலயத்தில், தரம் 04 இல் கல்வி பயிலும் இவர் பெற்ற இந்த சாதனை மூலம், தனது பாடசாலைக்கும், அம்பாறை மாவட்டத்திற்கும் தன்னுடைய மாகாணத்திற்கும் பெருமை சேர்த்துள்ளார்.

இதேவேளை இந்த மாணவியை பாடசாலை அதிபர், ஆசிரியர்கள், பாடசாலை அபிவிருத்திச் சங்கம் மற்றும் பாடசாலைச் சமூகம் என்பன பாராட்டி வாழ்த்துக்களைத் தெரிவித்துள்ளனர்.