வெடிவிபத்தில் 19 பேர் காயம், ஒருவர் மரணம்

கம்பஹா, படல்கம பகுதியில் உள்ள கார்பன் தயாரிக்கும் தொழிற்சாலையில் திங்கட்கிழமை (14) காலை இடம்பெற்ற வெடிவிபத்தில் 19 தொழிலாளர்கள் காயமடைந்துள்ளதுடன் ஒருவர் உயிரிழந்துள்ளதாக பொலிஸார் தெரிவித்துள்ளனர்.

சனிக்கிழமை (12)  இரவு இயங்கி வந்த கொதிகலன் அதிக வெப்பம் காரணமாக வெடித்து சிதறியிருக்கலாம் என பொலிஸார் சந்தேகிக்கின்றனர்.

மேலும், காயமடைந்தவர்கள் நீர்கொழும்பு மற்றும் கொழும்பு வைத்தியசாலைகளில் அனுமதிக்கப்பட்டுள்ளதாகவும் பொலிஸார் குறிப்பிட்டுள்ளனர்.