விரக்தியுற்றுள்ள சியோனிச ஆட்சி லெபனானில் குற்றங்களை செய்கிறது, காசாவில் நரகத்தை உருவாக்கியுள்ளது

 ஐ.நா பொதுச் சபைக்கு முன்னதாக தற்போது நியூயார்க்கில் இருக்கும் ஈரானின் வெளியுறவு மந்திரி அப்பாஸ் அராச்சி, காசா மற்றும் ஆக்கிரமிக்கப்பட்ட மேற்குக் கரை முழுவதும் தாக்குதல்களில் இஸ்ரேலுக்கு மேற்கத்திய ஆதரவை தொடர்ந்து விமர்சித்துள்ளார்.

ஈரானிய அரசு ஊடகங்களின்படி, பேரழிவுகரமான தாக்குதல்களை நடத்தி மனிதாபிமான உதவிகளை நுழைவதைத் தடுப்பதன் மூலம் இஸ்ரேலிய இராணுவம் "காசாவில் ஒரு உண்மையான நரகத்தை உருவாக்கியுள்ளது" என்று அவர் கூறினார்.

ஹமாஸை தோற்கடிப்பது, சிறைபிடிக்கப்பட்டவர்களை விடுவிப்பது மற்றும் அதன் தாக்குதலுக்கு சர்வதேச ஆதரவை உருவாக்குவது போன்ற முக்கிய இலக்குகளை அடைய இஸ்ரேலும் தவறிவிட்டது என்பதே அமெரிக்காவில் அவர் நடத்திய சந்திப்புகளின் ஒருமித்த கருத்து என்று அராச்சி மேலும் கூறினார்.

“சில நாடுகளில் இருந்து, குறிப்பாக அமெரிக்காவிடம் இருந்து ஆதரவு உள்ளது. போர்நிறுத்தத்தை அடைவதற்கும் இந்த போரை நிறுத்துவதற்கும் அமெரிக்கா மற்றும் மேற்கத்திய நாடுகளின் ஆதரவே முக்கிய தடையாக உள்ளது,” என்று அராச்சி கூறினார், ஞாயிற்றுக்கிழமை தனது சந்திப்புகள் முக்கியமாக காசா மற்றும் தெற்கு லெபனானின் நிலைமையைச் சுற்றியே இருக்கும் என்று கூறினார்.

"லெபனானில் உள்ள சியோனிச ஆட்சியின் குற்றங்கள், அவை விரக்தியால் செய்யப்பட்டாலும், பதில் இல்லாமல் விடப்படாது."