தினக்குரலுக்கு ஜனாதிபதி தங்க விருது, பரிசு பெற்றார் ஹுஸ்னா
சுற்றுச்சூழல் விருதுகள் - 2024" க்கான தங்க விருது ஜனாதிபதி ரணில் விக்கிரமசிங்கவினால் தினக்குரல் உதவி ஆசிரியர் எம்.எச்.எப் ஹுஸ்னாவுக்கு வழங்கப்பட்டது. கடந்த வருடம் சுற்று சூழலுக்கான வெண்கல விருதை வென்ற ஹுஸ்னா இம்முறை தங்க விருதை வென்றுள்ளார் . கொழும்பு 12 ஐச் சேர்ந்த இவர் ஆசிரியர் ஜெம்சித் அஸீஸ் நளீமியின் மனைவியும் இஹ்ஸானிய்யா அரபுக் கல்லூரி முன்னாள் அதிபர் மர்ஹும் மௌலவி எம்.இசட் எம் ஹுசைன்-ஜெனீஹா தம்பதிகளின் மகளுமாவார்.
இந்நிகழ்வில், சுற்றாடல் இராஜாங்க அமைச்சர் ஜனக வக்கம்புர, சுற்றாடல் இராஜாங்க அமைச்சர் எஸ். வியாழேந்திரன் , சுற்றுச்சூழல் அமைச்சின் செயலாளர்,மத்திய சுற்றாடல் அதிகார சபையின் தலைவர் வேணுர பெர்னாண்டோ,மத்திய சுற்றாடல் அதிகாரசபையின் பணிப்பாளர் நாயகம் ஹேமந்த ஜயசிங்க சீனா, எகிப்து, இந்தியா, அமெரிக்கா, பாகிஸ்தான், பங்களாதேஷ், ஐக்கிய இராச்சியம், கனடா மற்றும் ஈரான் ஆகிய நாடுகளின் தூதுவர்கள் , சிங்க உட்பட அதிகாரிகள் பலரும் கலந்து கொண்டனர்
இந்த ஆண்டு, ஜனாதிபதி சுற்றுச்சூழல் விருதுகளுக்கு 901 பேர் விண்ணப்பித்திருந்தனர். அவற்றில், தங்கம், வெள்ளி, வெண்கலம் மற்றும் தகுதி போன்ற பிரிவுகளுக்கு 124 போட்டியாளர்கள் ஜனாதிபதி விருதுகளை வென்றுள்ளனர்.
Post a Comment