பதவி விலகல் பற்றிய தகவலுக்கு ஹரீனின் பதில்

சுற்றுலாத்துறை அமைச்சர் ஹரின் பெர்னாண்டோ தனது பதவியில் இருந்நு விலகியுள்ளதாக சமூக ஊடகங்களில் கடிதமொன்று பகிரப்பட்டுள்ளது.

இந்த கடிதம் போலியானது என அமைச்சர் ஹரின் பெர்னாண்டோ பதில் வழங்கியுள்ளார்.

உடனடியாக நடைமுறைக்கு வரும் வகையில் சுற்றுலாத்துறை அமைச்சுப் பதவியில் இருந்து விலகுவதாக ஜனாதிபதி ரணில் விக்ரமசிங்கவிற்கு கடிதம் அனுப்பி வைத்துள்ளதாகத் தெரிவிக்கப்படுகின்றது.

வீசா வழங்குவது குறித்த பொறுப்பு VFS Global நிறுவனத்திற்கு வழங்கப்பட்டதில் பாரிய முறைகேடுகள் இடம்பெற்றுள்ளதாக கடிதத்தில் குறிப்பிடப்பட்டுள்ளது.

மேலும், தம்மீது நம்பிக்கை கொண்டு பதவியை வழங்கியமைக்காக நன்றி பாராட்டுவதாகவும் கடிதத்தில் குறிப்பிடப்பட்டுள்ளது.

கடந்த மாதம் 6ம் திகதி என திகதியிடப்பட்டுள்ள இந்த கடிதம் சமூக ஊடகங்களில் பகிரப்பட்டுள்ளது.

எவ்வாறெனினும் இந்த கடிதம் போலியானது எனவும் தாம் பதவியில் இருந்து விலகவில்லை எனவும் ஹரின் பெர்னாண்டோ டுவிட்டரில் பதிவிட்டுள்ளார்.

வீசா கட்டணங்கள் அதிகரிப்படுவதனை தாம் விரும்பவில்லை எனவும் இது குறித்து அமைச்சரவையிலும் தாம் கூறியுள்ளதாகவும் அவர் தெரிவித்துள்ளார்.

மேலும்,  இந்த கடிதத்தில் குறிப்பிடப்பட்டுள்ள திகதியும் ஒரு மாதத்திற்கு முந்தையது என அவர் குறிப்பிட்டுள்ளார்.