முதலில் ஜனாதிபதி தேர்தல்தான் - அமைச்சர்களுக்கு பறந்த உத்தரவு

முதலில் ஜனாதிபதி தேர்தலுக்கு தயாராகுமாறு, ஜனாதிபதி ரணில் விக்கிரமசிங்க அமைச்சரவைக்கு அறிவித்துள்ளார்.

நேற்று (18) பிற்பகல் அமைச்சரவைக் கூட்டம் இடம்பெற்றதாகவும், இதன்போது ஜனாதிபதி இதனைத் தெரிவித்துள்ளதாகவும் தெரிவிக்கப்படுகிறது.

தற்போதைய அபிவிருத்திப் பணிகள் உள்ளிட்ட, அரசாங்கத்தின் பணிகளை விரைவில் நிறைவு செய்து ஜனாதிபதி தேர்தலுக்கு தயாராகுமாறு ஜனாதிபதி அமைச்சரவையில் அறிவித்துள்ளார்.

அதேவேளை பசில் உள்ளிட்ட தரப்பினர், பாராளுமன்றத்  தேர்தலை நடத்துமாறு  வலியுறுத்தி அண்மையில்  ரணில் விக்கிரமசிங்கவிடம் நேரடியாக அழுத்தம் கொடுத்திருந்தமை குறிப்பிடத்தக்கது.