4 கோரிக்கைகளை முன்வைத்து நெகிழ்வுத்தன்மையைக் காட்டினோம், இஸ்ரேல் தவிர்க்கிறது - ஹமாஸ்

இஸ்ரேல் போர் நிறுத்த கோரிக்கைகளை தவிர்த்து வருகிறது என ஹமாஸ் கூறுகிறது.

பாலஸ்தீனிய மக்களுக்கு எதிரான இஸ்ரேலிய ஆக்கிரமிப்பைத் தடுக்கும் ஒரு போர்நிறுத்தத்தை எட்டுவதற்குத் தேவையான நெகிழ்வுத்தன்மையைக் காட்டியுள்ளதாக ஹமாஸ் கூறுகிறது, ஆனால் இஸ்ரேல் போர் நிறுத்தத்திற்கான கோரிக்கைகளைத் தவிர்க்கிறது.

நிரந்தர போர் நிறுத்தம், காசாவில் இடம்பெயர்ந்த பாலஸ்தீனியர்கள் தங்கள் வீடுகளுக்குத் திரும்புதல், காசா பகுதியில் இருந்து இஸ்ரேலிய துருப்புக்கள் திரும்பப் பெறுதல் மற்றும் மனிதாபிமான உதவிகள் உள்ளிட்டவை இந்தக் கோரிக்கைகளில் அடங்கும்.

"எங்கள் மக்களின் கோரிக்கைகள் மற்றும் நலன்களை நிறைவேற்றும் ஒரு உடன்பாட்டை எட்ட எங்கள் சகோதர மத்தியஸ்தர்கள் மூலம் நாங்கள் தொடர்ந்து பேச்சுவார்த்தை நடத்துவோம்" என்று ஹமாஸ் ஒரு அறிக்கையில் தெரிவித்துள்ளது.