நம்பிக்கைய இழந்துள்ள மக்கள் - இராணுவம் மீது உச்சக்கட்ட நம்பிக்கை, 10 இல் 1 இலங்கையர் சர்வாதிகார ஆட்சிக்கு விருப்பம்

மாற்றுக் கொள்கைகளுக்கான மையம் (CPA) நடத்திய சமீபத்திய ஆய்வில், பாராளுமன்றம் மற்றும் அரசியல் கட்சிகள் மீதான மக்களின் நம்பிக்கை வரலாறு காணாத அளவுக்குக் குறைந்துள்ளது, பாராளுமன்றத்தின் மீது 22 சதவீத மக்களும் அரசியல் கட்சிகள் மீது 19 சதவீத மக்களும் மட்டுமே நம்பிக்கை கொண்டுள்ளனர்.

‘இலங்கையில் ஜனநாயகம் மற்றும் நல்லிணக்கம் பற்றிய கணக்கெடுப்பு’ என்ற தலைப்பில் நடத்தப்பட்ட இந்த ஆய்வில், ஜனவரி மாதம் 25 மாவட்டங்களில் 1,350 பேர் பங்கேற்றுள்ளனர்.

ஆய்வின்படி, இராணுவம் மற்றும் நீதிமன்றங்கள் நாட்டின் மிகவும் நம்பகமான நிறுவனமாக அந்தஸ்தை அனுபவிக்கின்றன, அதே சமயம் இராணுவம் மற்றும் நீதிமன்றங்களுடன் ஒப்பிடும்போது பொலிஸ்துறை ஒப்பீட்டளவில் குறைவான மக்கள் நம்பிக்கையை கொண்டுள்ளது .

எவ்வாறாயினும், இராணுவம் மற்றும் நீதிமன்றங்களுடன் ஒப்பிடுகையில், சட்டமியற்றும் நிறுவனங்கள் மற்றும் சட்டத்தை உருவாக்குவதில் பங்கேற்கும் நிறுவனங்கள் – அரசியல் கட்சிகள் – மீதான பொது மக்களின் நம்பிக்கை குறைவாக இருப்பது மட்டுமல்லாமல், கடந்த தசாப்தத்தில் இது பெரும் சரிவை சந்தித்துள்ளது. 2011 இல், 63% இலங்கையர்கள் பாராளுமன்றத்தை நம்பினர், ஆனால் அது 2024 இல் 22% ஆக குறைந்துள்ளது.

இந்தக் கணக்கெடுப்புத் தொடரில் சோதிக்கப்பட்ட நிறுவனங்களில், அரசியல் கட்சிகள் மீது மக்களின் நம்பிக்கை பெருமளவில் குறைந்துள்ளது . அரசியல் கட்சிகள் மீதான மக்களின் நம்பிக்கை 2011ல் 56% ஆக இருந்து 2024ல் 19% ஆக குறைந்துள்ளது.

இதேவேளை ஏறத்தாழ 10ல் 1 இலங்கையர்கள் சர்வாதிகார ஆட்சிக்கு விருப்பம் தெரிவித்துள்ளனர்.

பெரும்பான்மையான மக்கள் ஜனநாயக ஆட்சியை ஆதரிக்கும் போதிலும், “சில சூழ்நிலைகளில், ஜனநாயக ஆட்சியை விட சர்வாதிகார அரசாங்கம் விரும்பத்தக்கதாக இருக்கும்” என்ற கவலைக்குரிய உணர்வை இந்த ஆய்வு எடுத்துக்காட்டியுள்ளது .