ரபா மீது தரைவழி தாக்குதலுக்கு, எதிராக இஸ்ரேல் முன்னாள் பிரதமர் எச்சரிக்கை

ஒரு மில்லியனுக்கும் அதிகமான இடம்பெயர்ந்த மக்கள் தஞ்சமடைந்துள்ள தெற்கு காசாவில் முற்றுகையிடப்பட்டுள்ள ரஃபா நகருக்குள் இஸ்ரேல் படைகளை அனுப்பினால் மோசமான விளைவுகளை சந்திக்க நேரிடும் என எஹுட் ஓல்மெர்ட் எச்சரித்துள்ளார்.

"சர்வதேச சமூகத்தின் பொறுமை ஒரு கட்டத்தை எட்டியுள்ளது, அவர்களால் அதை உள்வாங்க முடியும் என்று நான் நினைக்கவில்லை," என்று முன்னாள் இஸ்ரேலிய பிரதமர் ப்ளூம்பெர்க் ஒரு நேர்காணலில் மேற்கோளிட்டுள்ளார்.

இஸ்ரேலின் தற்போதைய தலைவரான பெஞ்சமின் நெதன்யாகு, போரை நிறுத்தி, இஸ்ரேலிய இராணுவம் காசாவை விட்டு வெளியேறவும், சர்வதேசப் படைகள் அமைதி காக்கும் படையினராக செல்லவும் உதவும் திட்டத்தில் கவனம் செலுத்த வேண்டும் என்று ஓல்மெர்ட் மேலும் கூறினார்.

2006 மற்றும் 2009 க்கு இடையில் இஸ்ரேலை வழிநடத்திய முன்னாள் பிரதம மந்திரி, ரஃபா மீதான தரைவழித் தாக்குதல் "இஸ்ரேலுக்கும் எகிப்துக்கும் இடையிலான சமாதான உடன்படிக்கையை சிதைத்துவிடும்" என்றும் கவலை தெரிவித்தார்.