மீண்டுவர சில காலம் ஆகும் - முகமது ஷமி

தற்போது நடைபெற்று வரும் இங்கிலாந்துக்கு எதிரான தொடரில் இந்திய கிரிக்கெட் வீரர் முகமது ஷமி இடது கணுக்கால் காயம் காரணமாக விளையாடவில்லை.

இந்திய கிரிக்கெட் வீரர் முகமது ஷமி, ஜனவரி கடைசி வாரத்தில் சிகிச்சை எடுத்த போது ஊசி ஒன்று செலுத்தப்பட்டதால் அவரால் ஓட முடிந்தது என்று தெரிவிக்கப்பட்டது. ஆனால், அவரது காயத்தால் அறுவை சிகிச்சை செய்ய வேண்டும் என்று பி.சி.சி.ஐ. அதிகாரி ஒருவர் ஏற்கனவே கூறியிருந்தார்.

இந்நிலையில், முகமது ஷமிக்கு அறுவை சிகிச்சை முடிந்தது. இந்நிலையில், முகமது ஷமி தனது ட்விட்டர் பதிவில், "வெற்றிகரமாக எனக்கு அறுவை சிகிச்சை முடிந்தது. குணமடைவதற்கு சிறிது காலம் ஆகும். மீண்டு வருவதை எதிர்நோக்கியுள்ளேன்" என்று கூறியுள்ளார்.