ஹமாஸின் போர் நிறுத்த ஒப்பந்தத்தை ஆராயும் மொசாட் - போர் வெற்றிப் பாதையில் இருப்பதாக நெதன்யாகு அறிவிப்பு

இஸ்ரேலின் உளவு அமைப்பான மொசாட், ஹமாஸின் போர் நிறுத்த ஒப்பந்தத்தைப் பெற்றதாகவும், அதன் விவரங்கள் முழுமையாக மதிப்பீடு செய்யப்பட்டு வருவதாகவும் பிரதமர் பெஞ்சமின் நெதன்யாகுவின் அலுவலகம் தெரிவித்துள்ளது.

ஹமாஸ் ஒரு அறிக்கையில், "ஒரு விரிவான மற்றும் முழுமையான போர்நிறுத்தத்தை உறுதிசெய்தல், எங்கள் மக்களுக்கு எதிரான ஆக்கிரமிப்பை முடிவுக்குக் கொண்டுவருதல், நிவாரணம், தங்குமிடம் மற்றும் புனரமைப்பு ஆகியவற்றை உறுதி செய்தல், காசா பகுதியில் முற்றுகையை நீக்குதல் மற்றும் கைதிகள் இடமாற்றத்தை அடைதல் போன்றவற்றில் நேர்மறையான உணர்வுடன் பதிலளித்ததாக" ஹமாஸ் தெரிவித்துள்ளது.

பதில் குறித்து இதுவரை நேரடியாக கருத்து தெரிவிக்காத நெதன்யாகு, "நாங்கள் மொத்த வெற்றிக்கான பாதையில் இருக்கிறோம், நாங்கள் நிறுத்த மாட்டோம்" என்று கூறினார்.

ஹமாஸை ஒழிப்பதாக உறுதியளித்து, இஸ்ரேல் வான்வழித் தாக்குதல்களையும் தரைவழித் தாக்குதலையும் நடத்தியது, இது காசாவில் குறைந்தது 27,585 பேரைக் கொன்றது, பெரும்பாலும் பெண்கள் மற்றும் குழந்தைகள் ஆவர்.