சிறுத்தை பாய்ந்ததால், கால்வாயில் விழுந்து, 2 நாட்கள் மரத்தில் தங்கியிருந்த ரஞ்சித் பெரேரா மீட்கப்பட்டார்

விறகு வெட்டச் சென்றபோது சிறுத்தை பாய்ந்ததால், அருகில் உள்ள கால்வாயில் விழுந்து, ஒன்பது கிலோமீட்டர் தூரம் அடித்துச் செல்லப்பட்ட நிலையில், கிளையொன்றை பிடித்து மிளா மரத்திலேறி, ​​இரண்டு நாட்களாக அந்த மரத்திலேயே இருந்த கிராமவாசி ஒருவரை, உள்ளூர்வாசிகள் குழுவினர் காப்பாற்றினர்.

விபத்துக்குள்ளான மனம்பிட்டிய மாகங்தொட்ட கிராமத்தைச் சேர்ந்த 66 வயதான கே. டபிள்யூ.ரஞ்சித் பெரேரா எனவும் பொலிஸார் தெரிவிக்கின்றனர்

மாகந்தோட்டை வனப்பகுதிக்கு   தனியாக சென்று கொண்டிருந்த போது சிறுத்தை ஒன்று தன் மீது பாய்ந்ததாகவும், அதே சமயம் அருகில் இருந்த ஓடையில் விழுந்து நீரோட்டத்தில் அடித்து செல்லப்பட்டதாகவும் அவர் கூறினார்.

அவர் நீரில் விழுந்து சுமார் ஒன்பது கிலோமீற்றர் தூரம் சென்ற போது, ​​ மிளா மரத்தில் ஏறிவிட்டார். இந்த நிலையில் தனது  காணாமற்போனமை தொடர்பில் அவரது மனைவி   பாத்திமா உம்மா, மனம்பிட்டிய பொலிஸில் முறைப்பாடு செய்துள்ளார்.

அவர் காணாமல் போனதை அறிந்த மாகங்தொட்ட கிராமத்தைச் சேர்ந்த இளைஞர்கள் குழு ஒன்று காடுகளில் தேட ஆரம்பித்தனர்.

கரபொல பிரதேசத்தில் 12 அடி உயரமுள்ள மிளா மரத்தில் ரஞ்சித் பெரேராவை கிராம மக்கள் பார்த்தனர். பின்னர், அந்த இளைஞர் அவரை பத்து கிலோமீட்டர் தூரம் தூக்கிச் சென்று வீட்டிற்கு அழைத்து வந்து, அவருக்கு உணவு மற்றும் குளிர்ச்சியாக இருக்க நெருப்பு மூட்டினர்.

இரண்டு நாட்களுக்குள் மிளா மரத்தின் காய்களையும் பட்டைகளையும் சாப்பிட்டதாகவும், சிறுத்தை ஒன்று தன் மீது பாய்ந்ததையடுத்து, தண்ணீரில் விழுந்து அடித்துச் செல்லப்பட்டதாகவும் ரஞ்சித் பெரேரா தெரிவித்தார்.