இலங்கையில் தங்கம் கலந்த மண், வெளிநாடுகளுக்கு கள்ளத்தனமாக ஏற்றுமதி
இது தொடர்பில் விசாரணை நடத்துமாறு சுங்கத் திணைக்களத்திடம் எழுத்து மூலம் கோரப்பட்டுள்ளதாக தலைவர் குறிப்பிட்டார்.
இவ்வாறு பெறப்படும் தங்கம் கலந்த மண்ணை முறையான அனுமதியின்றி வெளிநாடுகளுக்கு ஏற்றுமதி செய்யும் சட்டவிரோத நடவடிக்கை பல தடவைகள் நடைமுறைப்படுத்தப்பட்டுள்ளது.
இதன்படி, F.M.F லங்கா ஏற்றுமதி நிறுவனத்தினால் தங்கம் கலந்த 5 கொள்கலன் மண் ஏற்றுமதி செய்யப்பட்டது. அத்துடன், 2018 ஆம் ஆண்டு மேற்கொள்ளப்பட்ட தங்கம் கலந்த மண் ஏற்றுமதி தொடர்பான விசேட கணக்காய்வு அறிக்கையில் சுங்க அதிகாரிகளின் முறையான பரிசோதனையின்றி ஏற்றுமதி செய்யப்பட்டமை தெரியவந்துள்ளது.
இதில் சுங்கத்துறை அதிகாரிகளே முழுப்பொறுப்பேற்க வேண்டும் என்பது தணிக்கைத் துறையின் பரிந்துரை. இதில் தொடர்புடைய புவியியல் பணியகத்தின் இரண்டு அதிகாரிகளும் பணி இடைநீக்கம் செய்யப்பட்டனர்.
தங்கம் கலந்த மண் ஏற்றுமதி மூலம் தங்கத்தைப் பெறுவதைத் தவிர வேறு நோக்கங்கள் உள்ளதா என்பதை ஆழமாக ஆய்வு செய்ய வேண்டும் என்றும் தணிக்கைத் துறை அந்த அறிக்கையில் பரிந்துரை செய்துள்ளது.
Post a Comment