ஒஸ்மானியாக் கல்லூரியில் 5 மாணவர்கள் சித்தி

யாழ்ப்பாணம் ஒஸ்மானியாக் கல்லூரியில் இம்முறை இடம்பெற்ற 2023 ஆம் ஆண்டு புலமைப் பரிசில் பரீட்சையில் 56 மாணவர்கள் தோற்றியிருந்தனர். 

இம் மாணவர்களில் வெட்டுப்புள்ளிக்கு மேல் பெற்று 05 மாணவர்கள் சித்தி பெற்றுள்ளனர். 

சித்தியடைந்த மாணவர்களுக்கு பாடசாலை சமூகம் சார்பிலும், யாழ் முஸ்லிம் சமூகம் சார்பிலும் மனமார்ந்த வாழ்த்துக்கள். எமது பாடசாலையில் ஒரே தடவையில் 5 மாணவர்கள் சித்தி பெற்றுள்ளமை இதுவே முதல் தடவை என்பது இரட்டிப்பு மகிழ்ச்சிக்குரியதாகும். 

மேலும் பரீட்சைக்கு தோற்றிய மாணவர்களில் 100 புள்ளிகளுக்கு மேல் 24 மாணவர்களும், 70 புள்ளிகளுக்கு மேல் 37 மாணவர்களும் பெற்றுள்ளமை குறிப்பிடத்தக்கதாகும். மேற்படி புள்ளிகளைப் பெற்று பாடசாலையின் வீதத்தை அதிகரிக்கச் செய்த மாணவர்களையும் பாராட்டுகின்றோம். அத்துடன் தன்னம்பிக்கையுடன் பரீட்சைக்கு தோற்றிய ஏனைய மாணவர்களையும் இங்கு நினைவுபடுத்துவதுடன், அடுத்த கட்ட அவர்களின் கல்வி முன்னேற்றத்திற்காக தொடர் முயற்சிகளை இடைவிடாது தொடர்வதற்கு வாழ்த்துக்களை தெரிவித்துக் கொள்கின்றேன். 

இம் மாணவர்களை பரீட்சைக்குத் தயார்படுத்திய வகுப்பாசிரியர்கள், விசேட பாடங்களுக்கான ஆசிரியர்கள், முக்கியமாக ஊக்கப்படுத்திய பெற்றோர்கள், மேலதிக வகுப்புக்களுக்கான உதவிகளை வழங்கிய யாழ் முஸ்லிம் சமூகம் - சர்வதேசம் அமைப்பினர், எமது பாடசாலை கல்வி முன்னேற்றச் செயற்பாடுகளுக்கு நிர்வாக ரீதியாக பக்கபலமாக செயற்பட்டுக் கொண்டிருக்கும் பாடசாலை அபிவிருத்தி நிறைவேற்றுக்குழு உறுப்பினர்கள், பழைய மாணவர் சங்க உறுப்பினர்கள் உள்ளிட்ட அனைவருக்கும் இச் சந்தர்ப்பத்தில் நன்றி கூறுவதுடன், வாழ்த்துக்களையும் தெரிவித்துக் கொள்கின்றேன். 

அதிபர் 

யாழ் ஒஸ்மானியாக் கல்லூரி. 

யாழ்ப்பாணம். 

2023.11.17