பின்வரிசை ஆசனத்தில் அமர்ந்த அலி சாஹிர்

முன்னாள் சுற்றாடல் அமைச்சர்  நசீர் அஹமட்டின் வெற்றிடத்திற்கு நியமிக்கப்பட்ட  அலி சாஹிர் மௌலானா சபாநாயகர் மஹிந்த யாப்பா அபேவர்தன முன்னிலையில் செவ்வாய்க்கிழமை (17) காலை பதவிப்பிரமாணம் செய்துகொண்டார்.

அவர் சத்தியப்பிரமாணம் செய்து கொண்ட பின்னர் ஆளும் கட்சி மற்றும் எதிர்கட்சி உறுப்பினர்களின் வாழ்த்துக்களுக்கு மத்தியில் எதிரணியின் பின்வரிசை ஆசனத்தில் மௌலானா அமர்ந்தார் .

நீதிமன்ற உத்தரவின்படி திரு.நசீர் அஹமட்டின் பாராளுமன்ற உறுப்பினர் பதவி அண்மையில் நீக்கப்பட்டது. இதன்படி ஸ்ரீலங்கா முஸ்லிம் காங்கிரஸின் மட்டக்களப்பு மாவட்டப் பட்டியலில் அடுத்த வேட்பாளராக களமிறங்கிய  அலி சாஹிர் மௌலானாவை நியமிக்க தேர்தல்கள் ஆணைக்குழு தீர்மானித்தது. சமீபத்தில் இதே ஆணையத்தால் வர்த்தமானி அறிவிப்பும் வெளியிடப்பட்டது.