'அக்போ' யானை மீது மீண்டும் ஒரு அராஜகம்

இந்த ஆண்டின் தொடக்கத்தில் துப்பாக்கிச் சூட்டில் காயம் அடைந்து சிகிச்சை பெற்று வரும்   ‘அக்போ’ என்ற யானை மீது சனிக்கிழமை மீண்டும் துப்பாக்கிச் சூடு நடத்தப்பட்டதாகக் கூறப்படும் நிலையில் தற்போது யானையின் உடல்நிலை மோசமாக இருப்பதாக கூறப்படுகின்றது.

அதன்படி, திரப்பனை வண்ணம் மடுவ ஆற்றுக்கு அருகில் இருந்து யானை மீது நபர் ஒருவர் துப்பாக்கிச் சூடு நடத்தியதாக நம்பப்படுகிறது.

இதனால் யானை தற்போது ஆபத்தான நிலையில் இருப்பதாக கால்நடை மருத்துவர்கள் எச்சரித்துள்ளனர்.

இதேவேளை, இந்த ஆண்டின் தொடக்கத்தில் அக்போ யானை மீது துப்பாக்கிச்சூட்டு நடத்தப்பட்டதில் யானையின் இடப்பக்க காலில் காயம் ஏற்பட்டது.

இதற்காக யானை தொடர்ந்து பராமறிக்கப்பட்டு சிகிச்சையளிக்கப்பட்டு வந்த நிலையில், மீண்டும் இந்த அராஜகம் இடம்பெற்றுள்ளது.