பாலஸ்தீனம் பற்றி என்ன தெரியும்..?

வரலாறு நெடுகிலும் தூதரார்கள், நபிமார்கள் வாழ்ந்து மறைந்த தேசமாகும். நம் பிதா மாமனிதர் நபி இப்ராஹீம் (அலைஹிஸ்ஸலாம்) அவர்கள் இந்த மண்ணுக்கே இடம்பெயர்ந்து வந்தார்கள்.

மானக்கேட்டான காரியம் செய்து வந்த, இறை தூதர் லூத் (அலைஹிஸ்ஸலாம்) அவர்களின் சமூகம் அழிக்கப்பட்ட பின்னர் அவருக்கும் அவருடனிருந்த விசுவாசிகளுக்கும் இந்த மண்ணில்தான் இறைவன் அபயமளித்தான்.

மாவீரர் நபி தாவூத் (அலைஹிஸ்ஸலாம்) அவர்கள் இங்குதான் வாழ்ந்தார்கள், இங்குதான் அவரது தேவாலயத்தை கட்டியெழுப்பினார்கள்.

இங்கிருந்தவாறுதான் மாமன்னர் நபி ஸுலைமான் (அலைஹிஸ்ஸலாம்) அவர்கள் உலகை ஆண்டார். அவரது பேரரசின் கம்பீரம் சொல்லி விளக்க வேண்டியதில்லை என்ற அளவுக்கு சரித்திரப் புகழ்வாய்ந்தது.

இங்குதான் நபி ஸகரிய்யா (அலைஹிஸ்ஸலாம்) அவர்கள் தனது மடத்தில் தவமிருந்து வந்தார்.

"புனித பூமிக்கு புறப்படுங்கள்" என்று நபி மூஸா (அலைஹிஸ்ஸலாம்) தனது சமூதாயத்தினருக்கு கட்டளையிட்டதும் இந்த பூமியை பார்த்துத்தான்.

இறை மறுப்பும் இணைவைப்பும் இல்லாத தூய பூமி என்பதாலும், நபிமார்கள், தூதர்களின் வாழ்விடம் என்பதாலும் இந்த மண்ணை புனித பூமி என்று அழைக்கப்படுகிறது.

மாபெரும் தெய்வீக அற்புதங்கள் இந்த மண்ணில்தான் நிகழ்ந்ததன. கன்னிப் பெண் அன்னை மரியம், தந்தை அற்ற தனையனான (யேசுநாதர்) நபி ஈஸாவை பெத்லகோம் நகரில் பெற்றெடுத்தாள்.

பச்சிளம் குழந்தையாக தொட்டிலில் இருந்த மர்யமின் புதல்வர் ஈஸா பேசிக் காட்டி அற்புதம் நிகழ்த்தியதும் இங்கேதான்.

இறை தூதர் ஈஸா முறைதவறிப் பிறந்தவர் என இஸ்ரவேலர்கள்(யூதர்கள்) அவரை தீர்த்துக்கட்ட முனைந்த போது அல்லாஹ் அவரை இங்கிருந்துதான் மேலுலகுக்கு உயர்த்திக் கொண்டான்.

யுக அழிவ நாள் நெருங்கும் போது இயேசு (அலைஹிஸ்ஸலாம்) அவர்கள் மேலுலகிலிருந்து இங்கே உள்ள வெள்ளை மினாராவில் வந்திறங்குவார். பித்தலாட்டக்காரன் தஜ்ஜாலுக்கு முடிவு கட்டுவார், சிலுவையை உடைத்தெறிவார். பல மார்க்கங்களை ஒரு மார்க்கமாக மாற்றியமைப்பார்.

இவ்வுலகம் அழிந்த பிறகு மறு உலகில் மானிடம் மீள் உயிர்த்தெழுப்பப்படு ஓன்று கூடும் மைதானமும் இந்த பூமியில்தான்.

அட்டகாசம் செய்யும் யஃஜுஜ் மஃஜுஜ் சமுதாயம் இங்குதான் அழிக்கப்படுவார்கள்.

புனித இல்லமான அல்-அக்ஸா பள்ளிவாசல் இங்கேதான் உள்ளது. பாலஸ்தீனியர்களுக்கு மட்டுமல்ல, உலக முஸ்லிம்கள் அனைவரினதும் புனிதஸ்தளமாகும்.

முஸ்லிம்களின் முதல் கிப்லாவும் அதுதான். புனிதப் பயணம் மேற்கொள்ள அனுமதிக்ப்பட்ட மூன்றாவது பள்ளிவாசலும் அதுதான்.

அல்லாஹ்வால் அவனது தூதர் முஹம்மது (அலைஹிஸ் ஸலாது வஸ்ஸலாம்) அவர்கள் (இஸ்ராஃ) இராப்பயணம் அழைக்கப்படு, பின்னர் (மிஃராஜ்) மேலுலகப் பயணம் செய்ததும் இங்குதான்.

அல்-அக்ஸா பள்ளிவாசலில் தொழுப்படும் ஒரு தொழுகையின் மதிப்பு 500 தொழுகைகளுக்குச் சமமானதாகும்.

பாலஸ்தீன மண் உலக முஸ்லிம்களின் நாடித்துடிப்பாகும், அதனை மீட்டெடுக்க

ஒத்துழைப்பது கொள்கை கோட்பாடு சார்ந்த வணக்கமாகும்.

ஆண்டவனால் ஆசிர்வதிக்கப்பட் இந்த மண்தான் இப்போது அக்கிரமக்காரர்களால் ஆக்கிரமிக்கப்பட்டுள்ளது!