முழு நாட்டுக்கும் முன்மாதிரியான சம்பவம்

பெற்றோரை நிராகரிக்கும் சில பிள்ளைகள் குறித்து சமூகத்தில் இருந்து தொடர்ந்து செய்திகள் வருகின்றன.

இவ்வாறானதொரு பின்னணியில் தாயின் அன்புக்காக தம்மை அர்ப்பணித்த பிள்ளைகள் பற்றிய கண்ணீரை வரவழைக்கும் செய்தியொன்று பதிவாகியுள்ளது

மூன்று பிள்ளைகளின் தாயான 63 வயதான பிரேமலதா, ஏறக்குறைய இரண்டு ஆண்டுகளுக்கு முன்பு தனது மூத்த மகளின் வீட்டை விட்டு வெளியேறினார்.

அப்போதிருந்து, அவரது மூன்று பிள்ளைகளும் தங்கள் தாயைப் பற்றிய தகவல்களைக் கண்டுபிடிக்க கடுமையாக முயன்றனர்.

இந்நிலையில் தாயைக் கண்டுபிடிக்கும் பணியை முன்னெடுத்த பொலிஸார், ஹொரணை பிரதேசத்தில் வீதியொன்றில் பாதுகாப்பற்ற நிலையில் இருந்த தாயை கண்டுபிடித்தனர்.

அதன்படி, புத்தளம், எழுவன்குளம் பகுதியில் வசிக்கும் இந்த தாயின் பிள்ளைகள் தாயாரைப் பார்க்க வேண்டும் என்ற நம்பிக்கையில் விரைவாக பொலிஸ் நிலையத்திற்கு வந்துள்ளனர்.

இருப்பினும், இந்த தாய்க்கு தனது குழந்தைகளின் நினைவே இல்லை.

இறுதியாக பிள்ளைகளின் நெருக்கம் காரணமாக மகளுடன் செல்ல இந்த தாய் சம்மதித்தார்.

இந்த பிள்ளைகளின் செயல்களையும் பொலிஸார் பாராட்டினர்.

தமக்கு இரத்தத்தை பாலாக கொடுத்து வளர்த்த தாயை மகிழ்ச்சியுடன் ஏற்றுக்கொண்ட பிள்ளைகள், மிகவும் மகிழ்ச்சியுடன் காவல் நிலையத்தை விட்டு வெளியேறுவதைக் காண முடிந்தது.

தம்மை அரவணைத்து அன்புடன் வளர்த்த தாய் தந்தையை மறந்து மனிதநேயத்தை கேவலப்படுத்தும் சமூகத்தில் இந்த மகள்களும் மகன்களும் சமூகத்திற்கு அருமையான பாடம் புகட்டியுள்ளனர்.