ஹைராத் ஜூம்ஆ பள்ளிவாயல் நிருவாகத்தின் முன்மாதிரியான செயற்பாடு

- எஸ்.எம்.எம்.முர்ஷித் -

வாழைச்சேனை ஹைராத் ஜூம்ஆ பள்ளிவாயல் நிருவாகம் பிரதேசத்தின் கல்வி வளர்ச்சியில் பங்களிப்பு செய்வதுடன், கல்வியில் சாதனை படைக்கும் மாணவர்களையும் கௌரவிக்கும் நிகழ்வுகளையும் தொடர்ந்து நடாத்தி வருகின்றது.

அந்த வகையில் அன்மையில் வெளியான கல்வி பொதுத்தராதர உயர்தர பரிட்சையில் உயிரியல் விஞ்ஞானப்பிரிவில் 03 பாடங்களிலும் 'ஏ' தர சித்திகளைப் பெற்று மட்டக்களப்பு மாவட்டத்தில் 3ஆம் இடத்தையும் தேசியத்தில்; 77 ஆம் இடத்தையும் பெற்று வைத்திய துறைக்கு  தெரிவு செய்யப்பட்டு வாழைச்சேனைக்கு புகழைப் பெற்றுத்தந்த மாணவன்  முஹம்மது அன்சார் அப்(f)கார்   அஹமட்; பாராட்டி கௌரவிக்கப்பட்டார்.

வாழைச்சேனை ஹைராத் ஜூம்ஆ பள்ளிவாயல் தலைவர் எம்.எஸ்.அமானுல்லாஹ் தலைமையில் இன்று வெள்ளிக்கிழமை (22.09.2023)  ஜூம்ஆ தொழுகையை தொடர்ந்து இடம் பெற்ற கௌரவிப்பு நிகழ்வில் கோறளைப்பற்று மத்தி சுகாதார வைத்திய அதிகாரி டாக்டர் எஸ்.ரீ.நஜீப்கான், பள்ளிவாயல் நிருவாகத்தினர் ஊர் ஜமாத்தினர் என பலரும் கலந்து கொண்டனர்.