ஒரு வைத்தியரை உருவாக்க 4 மில்லியன் செலவாகின்றது, அவர்கள் நாட்டைவிட்டு ஓடுவது நியாயமா..?

ஒரு வைத்தியரை உருவாக்க இந்நாட்டின் வரி செலுத்துபவர்கள் அண்ணளவாக 4 மில்லியன் ரூபாவை செலவு செய்வதாக நிதி இராஜாங்க அமைச்சர் ரஞ்சித் சியம்பலாப்பிட்டிய இன்று -07- தெரிவித்துள்ளார்.

ஒரு மருத்துவ மாணவர் பல்கலைக்கழகத்தில் 5 வருட கல்வியை நிறைவு செய்ய, மக்கள் 4,092,915 ரூபாவை செலவு செய்ய வேண்டியுள்ளதாக அமைச்சர் பாராளுமன்றத்தில் தெரிவித்தார்.

” இது மாதத்திற்கு 68, 215 ரூபாய்” என சுகாதார அமைச்சர் கெஹலிய ரம்புக்வெல்ல மீதான நம்பிக்கையில்லாப் பிரேரணை மீதான விவாதத்தில் கலந்துகொண்டு உரையாற்றும் போது அவர் தெரிவித்தார்.

அதேபோல் ஒரு பொறியியல் மாணவருக்காக 2.1 மில்லியன் ரூபாயும் முகாமைத்துவ மாணவர்களுக்காக 1 மில்லியன் ரூபாயும் கலைப்பீட மாணவருக்கு 1.3 மில்லியன் ரூபாவையும் வரி செலுத்துபவர்கள் செலவழிப்பதாக அவர் தெரிவித்தார்.

கேகாலை வைத்தியசாலையின் வைத்திய அதிகாரிகள் நாட்டை விட்டு வெளியேறும் சம்பவம் தொடர்பில் குறிப்பிடும் போதே அமைச்சர் மேற்கண்டவாறு தெரிவித்தார்.