பாலியல் விவகாரம் - மாணவர் விசாவில் இளைஞர்களை அனுப்பும் கோடீஸ்வரர் கைது

கொழும்பில் உள்ள ஐந்து நட்சத்திர ஹோட்டல் ஒன்றில் யுவதியை பாலியல் வன்புணர்வு செய்ததாகக் கூறப்படும் கோடீஸ்வர வர்த்தகர் ஒருவர் காவல்துறை சிறுவர் மற்றும் பெண்கள் துஷ்பிரயோகத் தடுப்புப் பிரிவின் காவல்துறை குழுவினால் நேற்று (17) கைது செய்யப்பட்டுள்ளார்.

மாணவர் விசாவில் இளைஞர்களை மேலதிக கல்விக்காக ஐரோப்பிய நாடுகளுக்கு அனுப்பும் நிறுவனத்தை கொழும்பில் நடத்தி வரும் கோடீஸ்வர வர்த்தகர் ஒருவரே கைது செய்யப்பட்டவராவார்.

பலாத்காரத்திற்கு உள்ளானதாக கூறப்படும் யுவதியும் அந்த நிறுவனத்தில் பணிபுரிபவர் என காவல்துறையினர் தெரிவிக்கின்றனர்.

கொழும்பில் உள்ள ஐந்து நட்சத்திர ஹோட்டல் ஒன்றில் குறித்த நிறுவனம் ஏற்பாடு செய்திருந்த விசேட கலந்துரையாடலில் கலந்து கொள்ளுமாறு சந்தேகத்திற்குரிய கோடீஸ்வர வர்த்தகர் இந்த யுவதியையும் அறிவித்துள்ளதாக தெரிவிக்கப்படுகின்றது.

கோடீஸ்வர தொழிலதிபரின் அறிவிப்பின் பேரில் அந்த இளம் பெண்ணும் அதே ஐந்து நட்சத்திர ஹோட்டலுக்கு சென்றுள்ளார். சந்தேக நபர் ஹோட்டலில் சந்திப்பு மண்டபத்தை முன்பதிவு செய்திருந்ததாகவும், அந்த இளம் பணிப்பெண் மண்டபத்திற்குச் சென்றபோது கதவு மூடப்பட்டு வன்புணர்வு செய்யப்பட்டதாகவும் காவல்துறை வட்டாரங்கள் தெரிவிக்கின்றன.

இது குறித்து இளம் பெண் குழந்தை மற்றும் பெண்கள் வன்கொடுமை தடுப்புப் பிரிவில் புகார் அளித்துள்ளார். யுவதியின் முறைப்பாட்டின் பிரகாரம் விசாரணைகள் மேற்கொள்ளப்பட்டு சந்தேகத்தின் பேரில் கோடீஸ்வர வர்த்தகர் கைது செய்யப்பட்டுள்ளார்.

பாலியல் வன்புணர்விற்கு உளட்ளான யுவதி மருத்துவ பரிசோதனைக்காக மருத்துவமனையில் அனுமதிக்கப்பட்டுள்ளார். குறித்த யுவதி தன்னுடன் விருப்பத்துடன் வந்ததாக சந்தேக நபர் காவல்துறையிடம் தெரிவித்ததாகவும் கூறப்படுகிறது.