ஓட்டப் போட்டியில் புது சாதனை
இந்த போட்டியின் இரண்டாவது நாளான நேற்று முன்தினம் (29) நடைபெற்ற 400 மீற்றர் ஓட்டப் போட்டியை காலிங்க குமார 45.07 விநாடிகளில் பூர்த்தி செய்தார். இதன்மூலம் ரொஹான் பிரதீப் குமார 23 ஆண்டுகளுக்கு முன்னர் நிலைநாட்டிய போட்டிச் சாதனையை அவர் முறியடித்தார்.
அதேபோன்று இலங்கை மண்ணில் வீரர் ஒருவர் 400 மீற்றர் ஓட்டப் போட்டியில் பதிவு செய்த சிறந்த காலமாகவும் இது உள்ளது. முன்னதாக 2002ஆம் ஆண்டு கொழும்பில் நடைபெற்ற ஆசிய சம்பியன்சிப் போட்டியில் குவைட்டின் அல் ஷம்மரி பௌசி 400 மீற்றர் ஓட்டப்போட்டியை 45.21 விநாடிகளில் பூர்த்தி செய்ததே சிறந்ததாக இருந்தது.
எனினும் 1998இல் புகுகாவில் நடந்த ஆசிய சம்பியன்சிப் போட்டியில் சுகத் திலகரத்ன 44.61 விநாடிகளில் போட்டித் தூரத்தை நிறைவு செய்ததே 400 மீற்றர் ஓட்டப்போட்டியில் தேசிய சாதனையாக இருப்பதோடு அடுத்த இரு சிறந்த காலஙகளும் திலகரத்னவிடமே உள்ளது.
Post a Comment