ஹஜ் கடமையின் போது, இலங்கையர் வபாத்

ரஷாதி டிராவல்ஸ் என்ற இலங்கை ஹஜ் பயணக் குழுவுடன் இணைந்து இம்முறை ஹஜ் கடமையை நிறைவேற்ற மக்காவிற்கு சென்ற இலங்கை ஹஜ் யாத்திரிகர் அல்ஹாஜ் அப்துல் மஜீத் மொஹமட் நிஜாம் ஜம்ரத்தில் கல்லை எறிந்துவிட்டு ஜம்ரத்திலிருந்து வந்து கொண்டிருந்த போது நேற்று வியாழக்கிழமை மாரடைப்பால் காலமானார்.

அவர் உடனடியாக மருத்துவமனைக்கு கொண்டு செல்லப்பட்டார் ஆனால் வழியிலேயே அவர் உயிரிழந்தார். அவர் குருநாகல், பனகமுவவை வசிப்பிடமாகவும், இப்னகமுவ எரிபொருள் நிரப்பு நிலையத்தின் உரிமையாளராகவும் உள்ளார்.

முஸ்லிம் சமய கலாசார அலுவல்கள் திணைக்களத்தின் பணியாளர்கள் மற்றும் ஜித்தாவிலுள்ள இலங்கை தூதரகம் மற்றும் ரஷாதி டிராவல்ஸ் பிரதிநிதி ஆகியோர் வைத்தியசாலைக்கும் பொலிஸாருக்கும் சென்று சம்பிரதாயங்களை மேற்கொண்டனர்.

ஜூன் 30, 2023 வெள்ளிக்கிழமை இஷா தொழுகைக்குப் பிறகு ஜனாஸா மஸ்ஜிதுல் ஹராமுக்கு ஜனாஸா தொழுகைக்காக எடுத்துச் செல்லப்படும் என்றும் மக்காவில் ஜனாஸா அடக்கம் செய்யப்படும் என்றும் சவூதி அதிகாரிகள் இப்போது உறுதிப்படுத்தியுள்ளனர்.

முஸ்லிம் சமய மற்றும் கலாச்சார அலுவல்கள் திணைக்களம்