யுனானி மருத்துவத்தின் வித்தகர், சையத் கலிபத்துல்லாஹ் சாஹிப் வபாத்தானார்

 - Dr. MH. Jawahirullah -

யுனானி மருத்துவத்தின் வித்தகர் பத்மஸ்ரீ மருத்துவர் சையத் கலிபத்துல்லாஹ் சாஹிப் அவர்கள் இன்று -06-06-2023- நம்மை விட்டுப் பிரிந்தார் என்ற செய்தி அறிந்து துயருற்றேன்.

85 வயதான அவர் இன்று காலை கூட வைகறை (சபுஹூ) தொழுகையை நிறைவேற்றியுள்ளார். தன் மகன் மருத்துவர் அமீனுடன் பேசிக் கொண்டிருந்த நிலையில்   திருக்குர்ஆனை ஓதி கலிமா என்னும் ஏகத்துவ பிரகடனத்தை மொழிந்து அமர்ந்திருந்த நிலையில் அவர் உயிர் பிரிந்துள்ளது.

இந்திய மருத்துவத்திற்கான மத்திய குழுமத்தின் தலைவராக (Former President Central Council Of Indian Medicine, New Delhi)  யுனானி மருத்துவத்திற்கான மத்திய குழுமத்தின் துணைத் தலைவராக ( Vice Chairman Central Council of Research in Unani Medicine, New Delhi) திறம்பட பணியாற்றியவர் கலிபத்துல்லாஹ் சாஹிப்.

குடியரசுத் தலைவரின் தனி மருத்துவராகவும் பணியாற்றியுள்ளார்.

மிகக் குறைந்த கட்டணத்தில் மக்களுக்கு மருத்துவம் செய்தவர்.

சென்னை மாநகராட்சி மாமன்ற உறுப்பினராகவும் தொண்டாற்றியுள்ளார்.

முஸ்லிம் லீக் கட்சியின் முதுபெரும் தலைவர்களில் ஒருவர்.

அவரது இழப்பு யுனானி மருத்துவ உலகிற்குப் பேரிழப்பாகும்.

இறைவன் அவருக்கு மறுமையின் நற்பேறுகளை வழங்குவதற்கும் அவரது குடும்பத்தாருக்கு இழப்பைத் தாங்கும் அழகிய பொறுமையை அளிப்பதற்கும் பிராத்திக்கிறேன்.