கனரக வாகனமும், வேனும் நேருக்கு நேர் மோதி விபத்து - 2 பேர் வபாத்

கட்டுநாயக்கவிலிருந்து திருகோணமலை நோக்கி பயணித்த வேனும் அங்கிருந்து கொழும்பு நோக்கி பயணித்த சீமெந்து ஏற்றிச் சென்ற கனரக வாகனமும் நேருக்கு நேர் மோதி விபத்துக்குள்ளான சம்பவம் ஒன்று இடம் பெற்றுள்ளது.

கித்துல்உத்து சிங்கபுர பகுதியில் டம் பெற்ற இவ் விபத்தில் இருவர் உயிரிழந்துள்ளதுடன் மேலும் இருவர் காயமடைந்துள்ளதாக பொலிஸார் தெரிவித்துள்ளனர்.

இந்த விபத்தில் கனரக வாகனம் கவிழ்ந்ததுடன் வேனும் பலத்த சேதமடைந்துள்ளதாக தெரிவிக்கப்பட்டுள்ளது.

காயமடைந்தவர்கள் முதலில் கந்தளாய் வைத்தியசாலையில் அனுமதிக்கப்பட்டு பின்னர் திருகோணமலை வைத்தியசாலைக்கு மாற்றப்பட்டுள்ளனர்.

வேனில் பயணம் செய்த தம்பதியினரே உயிரிழந்ததுடன் வேனில் பயணம் செய்த மற்றொருவரும் கனரக வாகன சாரதியும் படுகாயமடைந்தனர்.

கிண்ணியாவைச் சேர்ந்த முஸ்தபா அலாவுதீன் மற்றும் சுஹைலா உம்மா (45) ஆகியோரே இவ் விபத்தில் உயிரிழந்துள்ளதாக தெரிவிக்கப்பட்டுள்ளது.