நாட்டின் காடுகளில் ஒரு சிங்கம் கூட இல்லாத போது, அதனை சீனாவுக்கு ஏற்றுமதி செய்ய விரும்பிய விவசாய அமைச்சு

சிங்கங்களையும் ஏற்றுமதி செய்ய வேண்டும் என்று விவசாய அமைச்சகம் விரும்புகின்றதாகத் தெரிவிக்கப்படுகின்றது.

இன்றைய தினம் (23.04.2023) வெளியான ஆங்கில செய்தித்தாள் ஒன்றிலேயே இது தொடர்பில் கூறப்பட்டுள்ளது.

மேலும், 100,000 டோக் மக்காக் குரங்குகளைச் சீனாவுக்கு ஏற்றுமதி செய்யச் சீன நிறுவனத்துடன் பேச்சுவார்த்தை நடத்திய விவசாய அமைச்சகம், இப்போது குரங்குகளையும் சிங்கங்களையும் கலந்துள்ளதாக அந்த செய்தியில் குறிப்பிடப்பட்டுள்ளது.

பயிர்களைச் சேதப்படுத்தும் டோக் மக்காக் குரங்குகளை அகற்றும் திட்டத்தை விவசாயச் சங்கங்கள் ஆதரிக்கின்றன என்று அமைச்சகம் ஏப்ரல் 16 அன்று ஒரு ஊடக அறிக்கையை வெளியிட்டுள்ளது.

எவ்வாறாயினும், ஊடக அறிக்கையின் இரண்டாவது பந்தியில், டோக் மக்காக்களைக் குறிப்பிடுவதற்குப் பதிலாக, 100,000 'சிங்கங்களை' ஏற்றுமதி செய்யும் திட்டம் இருப்பதாக அமைச்சகம் கூறியுள்ளதாக ஆங்கில செய்தித்தாள் குறிப்பிட்டுள்ளது.

மேலும், சீனாவுக்குக் குரங்குகளை அனுப்புவது பற்றிக் கூட்டங்களை நடத்திக் கொண்டிருந்த அமைச்சு, நாட்டின் காடுகளில் ஒரு சிங்கம் கூட இல்லை என்பதை மறந்து விட்டது.

அத்துடன், இலங்கையில் சுற்றித் திரிந்த வரலாற்றுக்கு முந்திய சிங்கங்கள் வெகு காலத்திற்கு முன்பே அழிந்துவிட்டன எனச் செய்தித்தாள் குறிப்பிட்டுள்ளது.