3 ஆட்டோக்கள் மோதல் - குழந்தை உயிரிழப்பு, குடும்பத்தினர் காயம்

கொடகம சந்தியில் இன்று -18- அதிகாலை 1.30 மணியளவில் 3 முச்சக்கரவண்டிகள் ஒன்றுடன் ஒன்று மோதிய விபத்தில்,  மூன்றரை வயது குழந்தை ஒன்று உயிரிழந்துள்ளதாக மீகொட பொலிஸார் தெரிவித்துள்ளனர்.  

மடுலவ பிரதேசத்தில் வசித்து வந்த அபிரு கேசர என்ற குழந்தையே சம்பவத்தில் உயிரிழந்துள்ளார்.  

விபத்தில் காயமடைந்த உயிரிழந்த குழந்தையின் தாய், தந்தை மற்றும் சகோதரன் ஆகியோர் ஹோமாகம ஆதார வைத்தியசாலையில் அனுமதிக்கப்பட்டுள்ளனர்.

​நுகேகொடையிலிருந்து மடுலவ பிரதேசத்தில் உள்ள வீட்டிற்கு செல்லும் போதே இந்த விபத்து ஏற்பட்டுள்ளது.

சம்பவம் தொடர்பில் பொலிஸார் மேலதிக விசாணைகளை மேற்கொண்டு வருகின்றனர்.