காலி முகத்திடலில் நீல அலைகள் - காரணம் என்ன..?

 காலி முகத்திடலில் கரையில் நீல அலைகள் கரையோரங்களை ஒளிரச் செய்தமை இந்த வாரம் அவதானிக்கப்பட்டிருந்தது.

இது தொடர்பிலான காணொளியொன்று சமூக ஊடகங்களில் பகிரப்பட்டிருந்தது. 

இந்த நிகழ்வு பயோலுமினென்சென்ஸ் என்று அழைக்கப்படுகின்றது. "பயோலுமினென்சென்ஸ் என்பது ஒரு இயற்கையான நிகழ்வாகும், அங்கு உயிரினங்கள் தங்கள் உடலில் உள்ள இரசாயனங்களைப் பயன்படுத்தி ஒளியை உற்பத்தி செய்கின்றன" என்று கடல் உயிரியல் பட்டதாரியும் ஆராய்ச்சி குழு உறுப்பினருமான லெனின் டி சில்வா கூறியுள்ளார்.

இது பொதுவாக "கெமிலுமினிசென்ஸ்" என்று குறிப்பிடப்படுகின்றது.ஆனால் இது ஒரு உயிரினத்திற்குள் உற்பத்தி செய்யப்படுவதால், பயோலுமினென்சென்ஸ் எனப்படுகின்றது.

சிறிய பிளாங்க்டோனிக் கடல் உயிரினங்களால் இவை உற்பத்தி செய்யப்படுகின்றன. ஆழ்கடலில் இது பொதுவான நிகழ்வு என்று கூறப்படுகின்றது. இது பொதுவானது என்றாலும், நாம் முன்னெச்சரிக்கை நடவடிக்கைகளை எடுப்பது புத்திசாலித்தனமானது.

ஏனென்றால் சில ஒளி உற்பத்தி செய்யும் உயிரினங்கள் மனிதர்கள் உட்பட மற்ற உயிரினங்களுக்கு தீங்கு விளைவிக்கும் என்று தெரிவிக்கப்பட்டுள்ளது.

கடற்கரைக்கு செல்வோருக்கான அறிவுறுத்தல்

உதாரணமாக, சில உயிரினங்கள் நச்சுகளை உற்பத்தி செய்கின்றன, எனவே அவை அதிக எண்ணிக்கையில் இருக்கும்போது, ​​​​நச்சு அளவும் அதிகமாக இருக்கும். இந்த நச்சுகள், மனிதரில் தோல் வெடிப்பு முதல் உணவு விஷம் வரை பல்வேறு பிரச்சனைகளை ஏற்படுத்தும்.

இது கடல்சார் பண்புகளில் மாசுபாடு அல்லது புவி வெப்பமடைதல் உள்ளிட்ட சுற்றுச்சூழல் மாற்றங்களின் அறிகுறியாகவும் கருதப்படலாம். தண்ணீரில் அதிக நைட்ரஜன் அல்லது பொஸ்பரஸ் அளவுகள் ஊட்டச்சத்துக்களாக உள்ளன.

இந்த அதிக ஊட்டச்சத்துக்கள் அதிக பயோலுமினசென்ட் உயிரினங்களை உருவாக்குகின்றன. கடல் நீரில் அதிக அளவு ஊட்டச்சத்துக்கள் எதனால் ஏற்படுகின்றன மற்றும் பக்க விளைவுகள் என்ன? இது எவ்வளவு பாதுகாப்பானது என்பதை நாங்கள் இன்னும் கணக்கிட முடியாது.

எனவே நீங்கள் கடற்கரைக்குச் சென்றால், நீரில் நனையாமல் இந்த இயற்கை நிகழ்வை பார்த்து ரசிக்குமாறு கடல் உயிரியல் பட்டதாரியும் ஆராய்ச்சி குழு உறுப்பினருமான லெனின் டி சில்வா கூறியுள்ளார்.