20 க்கு வாக்களித்த முஸ்லிம் Mp க்கள் மேற்கொண்டுள்ள நல்ல முயற்சிகள் - தரக்குறைவான விமர்சனங்களை தவிர்ப்போம்

அரசியலமைப்பின் 20 ஆவது திருத்தத்திற்கு ஆதரவளித்த, முஸ்லிம் பாராளுமன்ற உறுப்பினர்கள் நல்ல முயற்சிகளை மேற்கொண்டுள்ளதை நாம் வரவேற்க வேண்டும்.

அவர்களின் நல்ல முயற்சிகள் குறித்த பல தகவல்கள் கிடைக்கப்பெற்றன.

அதில் குறிப்பாக அண்மையில் அலரி மாளிகையில் நடந்த, பிரதமருடனான சந்திப்பை பிரதமரின் மகன் யோசித்தவுடன் இணைந்து மேற்கொண்டமை. இதில் உடல்களை அடக்குவதில்  சில இடங்கள் பரிசீலிக்கப்பட்டு தெரிவு செய்யப்பட்டுள்ளமை.

பசிலுடன் 11.12.2020 அன்று நடந்த சந்திப்பு. இதன்போது உடல்களை அடக்குவதில் உள்ள, சில தடைகளை நீக்கவும் மேற்கொண்டு நடவடிக்கைகளில் ஈடுபடவும் பசில் முன்வந்தமை 

முக்கிய சிங்கள ஊடக நிறுவனரை சந்தித்து, உடல் எரிப்புக்கு ஆரவான பிரச்சாரத்தை நிறுத்தச் சொன்னமை. அதற்கு அவர் இணங்கியதுடன், உடல் அடக்கத்திற்கு ஆதரவான வைத்தியர்களை அழைத்து நிகழ்ச்சிகளை நடத்துவதாக வாக்குறுதி வழங்கியமை.

பௌத்த  சிங்கள கடும்போக்காளரை நேரில் சந்தித்து, உடல்களை அடக்குவதில் உள்ள நியாயத்தை விளக்கி, உடல் அடக்கத்திற்கு அவர் ஆதரவை வெளியிட்டமை

அரசாங்க மருத்துவ அதிகாரிகளை சந்தித்தமை

எதிர்வரும் திங்கட்கிழமை 14 ஆம் திகதி, கிறிஸ்த்தவ சமூகத்தின் முக்கிய பிரதானியை சந்திக்க உள்ளமை என பல தரப்பட்ட முயற்சிகளை அரசியலமைப்பின் 20 திருத்தத்திற்கு ஆதரவளித்த முஸ்லிம் பாராளுமன்ற உறுப்பினர்கள் மேற்கொண்டுள்ளார்கள்

அந்தவகையில் யார் குத்தியாவது அரிசியாகட்டும். தரக்குறைவான விமர்சனங்களை தவிர்ப்போம். உடல்களை அடக்கம் செய்வதில் உள்ள உரிமையை வென்றெடுப்போம்..!