ஹோமாகம வீட்டின் இரகசிய அறையில், பெருமளவு ஆயுதங்கள் மீட்பு - வீட்டு உரிமையாளரான பெண் கைது

ஹோமாகம, பிட்டிபன 4 வது அவென்யூ பகுதியிலுள்ள வீடொன்றில் வீட்டில் இரகசிய அறையொன்றில் இருந்து பெருமளவு ஆயுதங்கள் கண்டுபிடிக்கப்பட்டன. நான்கு தோட்டாக்கள், 7.7 மிமீ தோட்டாக்கள், 7 கையெறி குண்டுகள், இரண்டு புல்லட் ப்ரூஃப் ஆடை மற்றும் 04 அடையாளம் தெரியாத தோட்டாக்கள் மீட்கப்பட்டுள்ளன.

ஹோமகமவில் ஜூன் 29 அன்று வர்த்தக நிலையமொன்றில் துப்பாக்கி மீட்கப்பட்டதுடன், வர்த்தக நிலைய உரிமையாளர் அவரது மனைவி, பணியாளர்கள் 8 பேர் கைது செய்யப்பட்டனர்.

வர்த்தக நிலைய உரிமையாளருடன் தொடர்பை பேணிய பெண்ணொருவரின் இல்லத்திலேயே நேற்று சோதனை நடத்தப்பட்டது. அவர் 2013 ஆம் ஆண்டில் 50 மில்லியன் ரூபாவிற்கு வீட்டை வாங்கி அந்த பெண்ணை குடியேற்றினார். திருமணமாகாத அந்த பெண், தனது சகோதரியின் 2 பிள்ளைகளுடன் அங்கு குடியிருந்தார்.

வீட்டிலிருந்த ஆயுதங்கள் பற்றி தனக்கு எதுவும் தெரியாதென பெண் தெரிவித்துள்ளார். அந்த பெண்ணிற்கு வீடு வழங்கப்படுவதற்கு முன்னரே ஆயுதங்கள் அங்கு மறைத்து வைக்கப்பட்டதா என்ற கோணத்திலும் பொலிசார் விசாரணை நடத்தி வருகிறார்கள். அந்த பெண் கைது செய்யப்பட்டார்.