திடீரென தீப்பற்றிய மோட்டர் சைக்கிள் - உயிர் தப்பிய ஓட்டுநர்

மட்டக்களப்பு நகர் வேதாரணியம் வீதியில் பிரயாணித்துக் கொண்டிருந்த மோட்டார் சைக்களிள்  திடீரென தீப்பற்றியதையடுத்து ஓட்டிச் சென்றவர் மோட்டர் சைக்கிளை விட்டு பாய்ந்து மயிரிழையில் உயிர் தப்பியுள்ளார்.

எனினும் மோட்டர் சைக்கில் தீயில் எரிந்து முற்றாக சேதமடைந்துள்ளதாக மட்டு தலைமையக பொலிசார் தெரிவித்தனர்.

காத்தான்குடி பொலிஸ் பிரிவிலுள்ள மஞ்சந்தொடுவாய் பிரதேசத்தைச் சோந்த   40 வயதுடைய நபர் ஒருவர் சம்பவதினமான இன்று காலை ஏறாவூரிலிருந்து மோட்டார் சைக்கிளில்  மட்டக்களப்பு  புகையிரத நிலையத்துக்கு பின்னால் உள்ள வேதாரணியம் வீதி வழியக வீட்டிற்கு திரும்பிக் கொண்டிருந்த போது  மோட்டர்சைக்கிள் இவ்வாறு  திடீரென தீப்பற்றியுள்ளது.

இதனையடுத்து குறித்த நபர் மோட்டர்சைக்கிளை விட்டு பாய்ந்ததுடன் மோட்டர் சைக்கிள் தீப்பற்றி எரிந்து சேதமடைந்துள்ளது.

இதனையடுத்து தகவல் அறிந்த பொலிசார் சம்பவ இடத்திற்குச் சென்று தீயைக்கட்டுப்பாட்டிற்குள் கொண்டு வந்துள்ளதுடன் இது தொடர்பாக பொலிஸார் மேலதிக விசாரணையில் மேற்கொண்டுவருகின்றனர்.