சுதந்திரத்திற்கு பிறகு படுமோசமாக பழிவாங்கப்பட்ட, ஒரு இலங்கை பிரஜையாக Dr ஷாபி இருக்கிறார்

சட்ட விரோதமாக சொத்து சேர்த்ததாக அவரை கைது செய்து சிறை வைத்தார்கள்.

பிறகு அதற்கான எந்த ஆதாரங்களையும் கண்டு பிடிக்க முடியாமல் போனது.

கைது செய்து விட்டு குற்றச்சாட்டுகள் தேடப்பட்ட புதினமான சம்பவமாக உலக அளவில் இது பதிவானது!

தேசிய தெளஹீத் ஜமாஅத்துடன் பயங்கரவாத நடவடிக்கைகளில் தொடர்பு என குற்றஞ்சாட்டினார்கள்.

அதற்கும் எந்த முகாந்திரமும் இல்லையென TID கையை விரித்தது.

சிங்களப்பெண்களின் பலோப்பியன் குழாய்களை முடிச்சுப்போட்டு கருத்தடை செய்தாரென மொட்டைத்தலைக்கும் முழங்காலுக்கும் முடிச்சுப்போடும் கதையொன்றை சோடித்தார்கள்.

போலி முறைப்பாடுகளோடு வந்த எழுநூறுக்கும் அதிகமான பெண்கள் பலோப்பியன் பரிசோதனை என்றதும் பின்னங்கால்கள் பிருஷ்டங்களில் பட ஓட்டமெடுத்தார்கள்.

கடைசியாக நடந்த நீதிமன்ற அமர்வில் அவரைத்தடுத்து வைக்க தமக்கு எந்த தேவையுமில்லை, அவர் மீதான குற்றச்சாட்டுகள் போலியானவை ஆதாரமற்றவை என CID பல நூறு பக்கங்களை கொண்ட அறிக்கையினை முன்னிலைப்படுத்தியது.

அவரை வெளியில் விட்டால் பொதுமக்களின் எதிர்ப்பு வலுக்கும் என்றும் ஒரு காரணத்தை சொல்லி குருநாகல் மஜிஸ்ட்ரேட் மேலும் 14 நாட்கள் தடுப்புக்காவலுக்கு உத்தரவிட்டார்.

கேகாலை சிறையொன்றில் அவரை அடைத்து வைத்துள்ளார்கள்.

சுதந்திரத்திற்கு பிறகு படு மோசமாக பழிவாங்கப்பட்ட ஒரு இலங்கை பிரஜையாக டொக்டர் ஷாபி இருக்கிறார்.

அவர் ஒரு ‘முஸ்லிம்’ என்பதற்காகவே இத்தனை நாடகங்களும் அரங்கேறுகின்றன.

தெய்வம் நின்று கொல்லும்.

Mujeeb Ibrahim