“அமைச்சு பதவிகளை ஏற்பதற்கு எந்தவொரு அவசரம் இல்லை" - ரிசாத்

தனக்கு எதிரான விசாரணைகள் நிறைவடையும் வரை மீண்டும் அமைச்சு பதவிகளை ஏற்கப் போவதில்லை என நாடாளுமன்ற உறுப்பினர் ரிசாத் பதியூதின் தெரிவித்துள்ளார்.

சிங்கள ஊடகமொன்றுக்கு கருத்து வெளியிடும் போதே அவர் இதனை குறிப்பிட்டுள்ளார்.

மீண்டும் ரிசாத் பதியூதின் மீண்டும் அமைச்சு பதவிகளை ஏற்பதற்கான வாய்ப்புகள் அதிகமான உள்ளதென கூட்டு எதிர்க்கட்சி உறுப்பினர்கள் கூறி வந்தனர்.

இந்த கருத்துக்கள் தொடர்பில் பதிலளிக்கும் வகையில் ரிசாத் பதியூதின் இதனை குறிப்பிட்டுள்ளார்.

“அமைச்சு பதவிகளை ஏற்பதற்கு எந்தவொரு அவசரம் இல்லை. விசாரணைகள் முன்னெடுக்கப்படுகின்றன. எந்த நேரத்திலும் விசாரணைகளுக்கு ஆதரவு வழங்க நாங்கள் தயாராக இருக்கின்றோம்.

எந்த நேரத்தில் அழைப்பு விடுத்தாலும் நாங்கள் செல்வோம். பயங்கரவாதிகளுடன் எங்களுக்கு தொடர்பு இல்லை. பயங்கரவாதிகளை ஒழிக்க வேண்டும் என எண்ணத்திலேயே நாங்கள் உள்ளோம்.

பொலிஸ் நிலையத்தில் எனக்கு எதிராக சுமத்தப்பட்டுள்ள குற்றச்சாட்டுகள் தொடர்பில் விசாரணைகள் முன்னெடுக்கப்பட்டு வருகின்றன. எனக்கு எதிரான விசாரணைகளுக்கு முகம் கொடுத்த தயார் என அவர் மேலும் தெரிவித்துள்ளார்.