மனோ ஐயா அவர்களே,, மனிதாபமானத்துடன் நடந்து கொள்வீர்களா...?

நிலத் தொடர்பற்ற இனரீதியான பிரதேச செயலகம் கோரும் இனவாதிகளின் நோக்கம் முஸ்லிம்களின் கீழ் நாம் வாழக் கூடாது என்பதைத் தவிர வேறில்லை. இவர்களின் வஞ்சக நடவடிக்கைகளில் இருந்து இறைவன்தான் எம் சமூகத்தைப் பாதுகாக்க வேண்டும்.

நாவிதன் வெளி,காரைதீவு போன்ற இடங்களில் எமது முஸ்லிம் சமூகம் இவர்களோடு இணைந்து வாழும் போது நாம் பெரும் பான்மையாக வாழும் கல்முனையை கபளீகரம் செய்ய முனைவதில் நியாயயம் காணும் கௌரவ மனோ கணேக்ஷன் எம்பி அவர்களை வன்மையாகக் கண்டிக்கிறேன்.

மனோ ஐயா அவர்களே, எமது மண்ணை காவு கொள்ள போராடும் நீங்கள் மனிதாபிமானமுள்ள மனிதனாக இருந்தால் தோப்பூர் பிரதேச செயலகப் பிரிவை உடனடியாக அறிவிக்கும் படி அழுத்தம் கொடுப்பீர்களா? உங்களை ஒரு நடு நிலையான அரசியல் வாதி என எண்ணியிருந்தேன். ஆனால் உங்கள் அண்மைய செயல்பாடுகள் முஸ்லிம் சமூகத்தின் இருப்பை கேள்விக் குறியாக்குவதாகவே காணக் கூடியதாக உள்ளது.

எனவே நான்கினங்கள் வாழும் இந்த நாட்டின் சக வாழ்வு அமைச்சராக இருக்கும் நீங்கள் இனங்களுக்கிடையே முறுகள் நிலையைத் தோற்றுவிக்காமல் உங்கள் தகுதிக்குத் தகுந்தாற் போல் கருத்துக் கூற கல்முனையின் வரலாற்றை நன்றாகப் படியுங்கள்.

எல்.ரீ.டி தமிழர்களின் பார்வையில் விடுதலை இயக்கம்,உலக நாடுகளின் முத்திரை பயங்கர வாத அமைப்பு. இந்த அமைப்பினால் ஆயுத முனையால் அடாத்தாக கொண்டு செல்லப்பட்ட கல்முனை உப பிரதேச செயலகம் சட்ட விரோதமானது. அம்பாரையிலுள்ள 19 பிரதேச செயலகங்களுள் இது உள் வாங்கப்பட வில்லையென்றால் தரமுயர்த்தக் கோருவது இல்லாதவொன்றை உண்டாக்குவதற்கான முயற்சியே தவிர வேறில்லை.

என்ற போதிலும் கல்முனை மக்கள் இந்த கோரிக்கையை ஏற்றுக் கொண்டு எமது கௌரவ பாராளுமன்ற உறுப்பினர் சட்டத்தரணி ஹரீஸ் அவர்கள் முழு மூச்சாக அதற்குரிய பணிகளைச் செய்து கொண்டிருக்கும் இந்த வேளையில் மீண்டுமொரு அடக்கு முறையால் கல்முனையை கபளீகரம் செய்ய கல்முனை மக்கள் ஒரு போதும் அனுமதிக்க மாட்டார்கள்.

ஆகவே இந்த திருகு தாள வேலைகளை மூட்டை கட்டி வைத்து விட்டு தமிழ் தேசியத்தின் தலைமைகளும் முஸ்லிம் தேசியத்தின் தலைமைகளும் பேசிக் கொண்டிருக்கும் போது அவற்றிக்கு பாதகம் ஏற்படும் படியாக நடந்து கொள்ளாமல் சற்று அமைதி காக்கவும்.

நஸ்ரின் முர்ஷித் அமீன்

கல்முனை மாநகர சபை உறுப்பினர்.