முஸ்லிம்கள் சார்பிலான நிவாரண நிதி, மல்கம் ரஞ்சித்திடம் கையளிப்பு

கடந்த 21 ஆம் திகதி இடம்பெற்ற தாக்குதல்கள் சர்வதேச நிகழ்ச்சி நிரலாகவே பார்கப்பட வேண்டுமென நான் நம்புகிறேன் என பேராயர் காடினல் மல்கம் ரஞ்சித் அவர்கள் தெரிவித்துள்ளார். அகில இலங்கை ஜம்இய்யத்துல் உலமாவின் தலைவர் அஷ்-ஷைக் எம்.ஐ.எம். ரிஸ்வி முஃப்தி அவர்களின் தலைமையிலான குழு நேற்று (25.05.2019) அன்று அவர்களை அவரது உத்தியோகபூர்வ இல்லத்தில் சந்தித்த போதே அவர் மேற்கண்டவாறு குறிப்பிட்டுள்ளார்.

நாட்டின் தற்போதைய நிலைகள் பற்றியும், தொடர்ந்தும் சமூகங்களுக்கிடையிலான நல்லுறவைக் கட்டியெழுப்ப எவ்வாறான முயற்சிகளை மேற்கொள்ளலாம் என்ற பல விடயங்கள் பற்றியும் குறித்த சந்திப்பில் ஆராயப்பட்டுள்ளது. அதன் போது முஸ்லிம்களின் தற்போதைய நிலை பற்றியும் தலைவர் அவர்களால் விளக்;கப்பட்டது. எதிர் காலத்தில் இது தொடர்பாகவும் தாம் சம்பந்தப்பட்ட தரப்போடு பேசுவதாகவும் பேராயர் காடினல் மல்கம் ரஞ்சித் அவர்கள் தெரிவித்துள்ளார்.

இதன் போது குண்டு வெடிப்பில் பாதிக்கப்ட்ட மக்களின் நிவாரணப் பணிகளுக்காக முஸ்லிம்கள் சார்பாக ஒரு தொகை நிதி வழங்கி வைக்கப்பட்டது. குறித்த சந்திப்பில் ஜம்இய்யாவின் பிரதித் தலைவர் அஷ்-ஷைக் ஏ.சீ. அகார் முஹம்மத், உதவிச் செயலாளர் ஷைக் தாஸிம், ஊடகச் பேச்சாளர் ஷேக் பாஸில் பாறூக், கொழும்பு பள்ளிவாசல்கள் சம்மேளன பிரதிநிதிகளாக அல்-ஹாஜ் இஸ்மாஈல் மற்றும்; அல்-ஹாஜ் அஸ்லம் ஆகியோரும் கலந்து கொண்டனர்.