சட்டவிரோத பாராளுமன்றம் ரணிலுக்கு, ஆதரவாக நிறைவேற்றிய பிரேணையை ஏற்கமாட்டோம்

நாடாளுமன்றம்  இந்த நாட்களில் கூட்டப்படுவது சட்டவிரோதமானதென்றும், எனவே அங்கு நிறைவேற்றப்படும் எந்தவொரு யோசனையையும் ஏற்றுக்கொள்ள முடியாதென நாடாளுமன்ற உறுப்பினர் எஸ்.பி.திசாநாயக்க தெரிவித்துள்ளார்.

இன்று பொரலையில் இன்று இடம்பெற்ற ஊடகவியளாலர் சந்திப்பில் கலந்துக்​கொண்டு கருத்துத் தெரிவிக்கும் போதே அவர் இவ்வாறு தெரிவித்தார்.

தற்போது முன்னெடுக்கபடும் நாடாளுமன்ற செயற்பாடுகள் சட்டவிரோதமானதென்பதால் அங்கு முன்னெடுக்கப்படும் யோசனைகளை ஏற்றுக்கொள்ளப் போவதில்லையென்றும் தெரிவித்துள்ளார்.

இதேவேளை அரசாங்கம் இல்லாமல் நாடாளுமன்றத்தைக் கூட்டுவதானது பாழடைந்த வீட்டில் பாத்திரங்களை உடைப்பது ​போன்ற செயலென நாடாளுமன்ற உறுப்பினர் சந்திம வீரகொடி இதன்போது தெரிவித்துள்ளார்.