"வதந்திகளைப் பகிர்ந்து, மக்களை குழப்பமடையச் செய்ய வேண்டாம்" (மாவனெல்லை சம்பவம்)

-Safwan Basheer-

"மாவனெல்லை சம்பவம்"

இப்படியான சிறிய சம்பவங்களுடனேயே பெரும் இனக்கலவரங்கள் ஆரம்பமானது என்பதுதான் வரலாறு தயவு செய்து "Breking News,"அவசரமாக பகிரவும்" 

வகையான பதிவுகளை பகிரும் அவசரத்தில், வதந்திகளைப் பகிர்ந்து மக்களை குழப்பமடையச் செய்துவிட வேண்டாம்

இப்போதே இனவாத பேஸ்புக் பக்கங்கள் இந்த சம்பவத்தை தமக்கு சதாகமாகப் பயன்படுத்தி ஒரு இனவாத அலையை சமூகவலைத்தளங்களில்உ ருவாக்க முயற்சிப்பதை அவதானிக்க முடிகிறது.

அந்த பேஸ்புக் பக்கங்களில் போய் நம்மவர்களும்,   தமது வீரத்தை காட்டாமல் நிதானமாக இருப்பது எல்லோருக்கும் நல்லது.

முடிந்தால் அப்படியான இனவாத பக்கங்களை எல்லோரும் சேர்ந்து Report செய்து முடக்க முயற்சி செய்யலாம்.

விகாரையில் திருட்டு நடப்பது, புதையல் தோண்டுவது,சிலைகள் திருடப்படுவது,உண்டியல் திருடப்படுவது, சிலைகள் காணமல் போவது இப்படி நிறைய சம்பவங்கள் நாட்டில் அடிக்கடி நடந்து கொண்டுதான் இருக்கிறன.

மாவனெல்லையில் புத்தர் சிலை ஒன்று தாக்கப்பட்ட சம்பவமும், இப்படியான ஒரு சம்பவம்தான்.

இதை இலங்கையின் முஸ்லிம் சமூகத்தோடு ஒரு முரண்பாட்டை உருவாக்கி ஒரு இனமோதலை உருவாக்க ஒரு போதும் இடமளிக்கக்கூடாது.

இப்படியான சந்தர்ப்பங்களில் சமூகவலைத்தளங்களை பயன்படுத்தும்போது நாம் மிகவும் பொறுப்புடன் நடந்து கொள்ள வேண்டும்

நம் அரசியல்வாதிகள் எல்லாம் முடிந்த பிறகு அறிக்கைவிடுவதையோ, பாரளுமன்றத்தில் காரசாரமாக உரை நிகழ்துவதையோ பார்த்து, பூரிப்படையும் நிலையில் மக்கள் இல்லை.

ஒரு சிறு அசம்பாவிதம்கூட நடக்கவிடாமல் அரசாங்கத்துக்கும், பாதுகாப்பு பிரிவுக்கும் அழுத்தம் கொடுப்பதையே நம் அரசியல் வாதிகளிடம் மக்கள் எதிர்பார்க்கின்றனர்.

மீண்டும் ஒரு இனக்கலவரம் நடந்துவிடாமல் இந்த நாட்டையும், மக்களையும் இறைவன் பாதுகாக்க வேண்டும்.