உனக்கானது தங்கக் கூண்டா..? தகரக் கூண்டா..?? என்ற அற்ப ஆராய்ச்சியை விட்டுவிடு

-கம்மல்துறை ஷரான்-

சோதரி -

நான்கு சுவர்களுக்குள்

உன் வாழ்வை

சுருக்கிக் கொள்ளாதே !

தொலைக்காட்சியில்

தொலைந்த நாட்கள் போக

ஏதுமீதம் உன் வாழ்வில் ?

"கோலங்க "லில் நீ கரைந்து

வாழ்வை

அலங்கோலமாக்கினாய்!

"சித்தி " யில் நீ ழூழ்கி

மறுமை சித்தியை

கோட்டை விட்டாய் !

வாழ்வை இழக்காதே -

துளக்கு !

பொழுது போக்குவதற்கல்ல

ஆக்குவதற்கு !

T. V .க்கு முன்னால்

ஆவி போனால்

உன் மையப் பெட்டி

மனக்குமா ?கணக்குமா ?

ரமழானில் கூட

ரசித்து ரசித்து T v யை தின்கிறாய்

உன் பட்டினி நோன்பாகுமா ?

வீண் போகுமா ?

இறை பயத்தில்

வரவில்லை அழுகை -

இரவு நாடகங்களில்

தொலந்தது தொழுகை !

வாழ்வை அசுத்தப்படுத்தாதே -

அர்த்தப்படுத்து !

இருக்கிற மட்டும்

இருந்து விட்டு

இருந்த இடத்தை தேய்த்து விட்டும்

போய் விடுவோம்

என்று யார் சொன்னது ?

பெண்ணே

அடுக்களையும் அகப்பையும்

டீக்கப்புப் டீ விப் பெட்டியுமே

உன் இலட்சியமா ?

உனக்கானது

தங்கக் கூண்டா ?

தகரக் கூண்டா ?

என்கிற அற்ப

ஆராய்ச்சியை விட்டு விட்டு

உன் சிறகுகளையும்

விரிக்கத் தொடங்கு !

கொல்லையில் மட்டும்

கூட்டிப் பெருக்கியது போதும்

வா 

சமூகத்தின் தொல்லைகள்

சுத்தம் செய்வோம் !

அபாயாவுக்குள்

மானம் மட்டும் மறை -

தானம் மறைக்காதே

செய் !

உன் நேரம்

உனதுழைப்பு

பரிவு    உனதறிவு

எல்லாம் தானம் செய் !

நாளை நீ

சரித்திரமாவாய்!