துமிந்தவிற்கு மரண தண்டனை, அர்ஜூனவிற்கு பிணையா...? ஆவேசத்தில் விமல்

"துப்பாக்கி பிரயோகம் மேற்கொள்ளுமாறு எந்தவித கட்டளைகளையும் பிறப்பிக்காத துமிந்த சில்வாவிற்கு மரண தண்டனையும், துப்பாக்கி பிரயோகம் மேற்கொள்ளுமாறு கட்டளையிட்ட அர்ஜுன ரணதுங்கவிற்கு பிணையில் விடுதலை" இதுவா காவல் துறையினரின் நியதி என விமல் வீரவங்ச கேள்வி எழுப்பியுள்ளார்.

முன்னாள் அமைச்சர் அர்ஜுன ரணதுங்க பெற்றோலிய வளத்துறை அமைச்சிற்குள் பிரவேசிக்கும் போது அங்கு அவருக்கு எதிராக ஆர்பாட்டங்கள் முன்னெடுக்கப்பட்டன.

இதன்போது ஏற்பட்ட பதற்றத்தினை தொடர்ந்து அர்ஜுன ரணதுங்கவின் பாதுகாப்பு உத்தியோகத்தர் மேற்கொண்ட துப்பாக்கி பிரயோகத்தில் ஒருவர் உயிரிழந்துள்ளதுடன் இருவர் காயமடைந்துள்ளனர்.

ஒரு கொலையை செய்வதற்கு கட்டளையிட்ட அமைச்சர், ஒருவர் சில மணித்தியாலங்கள் மாத்திரம் காவல் துறையினர் வசம் இருந்து பிணையில் விடுதலை செய்யப்படுகின்றார் என்றால் காவல் துறையினரின் ஒழுங்கீனமற்ற நடவடிக்கையையே எடுத்துணர்த்துவதாக விமல் வீரவங்ச தெரிவித்தார்.

இதற்கு காவல் துறையினரே பொறுப்பு கூறவேண்டும் என தொலைக்காட்சி ஒன்றில் இடம்பெற்ற நேரடி செவ்வியில் விமல் வீரவங்ச சுட்டிக்காட்டியுள்ளார்.