ஜனாஸா வீட்டில், நடந்த திருமணம்

திண்டுக்கல் மாவட்டம் சித்தையன் கோட்டையில் லுக்மான் என்ற சகோதரருக்கு கடந்த 26.08.2018 அன்று திருமணம் நடைபெற அனைத்து ஏற்பாடுகளும் செய்யப்பட்டு இருந்தது.

இரு வீட்டாரும் திருமணத்திற்கு சொந்த பந்தங்களுக்கு அழைப்பு விடுத்திருந்தனர்.

மணமகன் சவூதியில் வேலை பார்க்கிறார்.

மணமகனின் தந்தை ரஹ்மத்துல்லாஹ் ஆலிம்.

திருமணத்திற்கு முதல் நாள் இரவு வரை திருமண ஏற்பாடுகளை முழுமையாக செய்து மகனின் திருமணத்தை காணும் சந்தோசத்தில் உறங்கிய தந்தை காலை எழும்பவில்லை.

உயிரிழந்து விட்டார்.

(இன்னா லில்லாஹி வ இன்னா இலைஹி ராஜிவூன்...)

கலகலப்பாக விடிய வேண்டிய திருமண வீடு சோகத்தில் மூழ்கியது.

அந்த செய்தி மணமகள் வீட்டாருக்கு தெரிய வர அவர்களின் வீடும், குடும்பத்தினரும் சோகத்தில் மூழ்கினர்.

இரு வீட்டாரின் சோகத்தை கண்டு சித்தையன் கோட்டையே துக்கத்தில் மூழ்கியது.

திருமணம் நின்று போய் விடுமே...

மணப்பெண்ணின் நிலை என்ன ஆகுமோ..?

என்று ஊர் மக்கள் அனைவர் மனதிலும் பல்வேறு கேள்விகள் எழும்பிய நிலையில்...

பொறுப்பான ஊர் ஜமாஅத் நிர்வாகம் நல்ல காரியத்தை நிறுத்த வேண்டாம்.

காலை 11 மணிக்கு நல்லடக்கம் செய்யப்படும் என்றும்,

மதியம் 1 மணிக்கு நிக்காஹ் என்று முடிவு எடுக்கப்பட்டது.

அதனடிப்படையில் அல்லாஹ்வுடைய அருளால் திருமணம் சிறப்பாக நடைபெற்றது.

இறப்பு வீட்டில் அடுத்த ஒரு மணி நேரத்தில் திருமணம் நடத்த முடிகிறது என்றால்...

மூட நம்பிக்கையை முற்றிலும் ஒழித்த மார்க்கமான இஸ்லாமிய மார்க்கம் காட்டிய அழகிய வாழ்வியல் நெறிமுறைகளே காரணமாகும்.