ஞானசாரருக்கு ஆப்பு, மேன்முறையீடு மறுப்பு - கடூழியச் சிறைத்தண்டனை உறுதியானது

மேன்முறையீட்டிற்கான அனுமதி கோரி, பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரரினால் தாக்கல் செய்யப்பட்ட மனு இன்று வெள்ளிக்கிழமை மேன்முறையீட்டு நீதிமன்றத்தில் ஆராயப்பட்டது.

அதனை அடுத்து அவரால் மேற்கொள்ளப்பட்ட மறுபரிசீலனை மனு மேன்முறையீட்டு நீதிமன்றத்தில் சற்றுமுன் மறுக்கப்பட்டுள்ளது.

அதன்படி அவரது கடூழிய சிறைத்தண்டனைக்கு எதிராக மேன்முறையீடு செய்ய அனுமதி வழங்கல் மறுக்கப்பட்டுள்ளது.

நீதிமன்றத்தை அவமதித்த குற்றச்சாட்டில், 6 வருட கடூழியச் சிறைத்தண்டனை விதிக்கப்பட்டுள்ள, ஞானசார தேரர், பொது வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில், நேற்று சிறைச்சாலை வைத்தியசாலைக்கு மாற்றப்பட்டுள்ளார்.