மரண தண்டணை மட்டும் போதாது, பகிரங்கமாக சுட்டுக் கொல்ல வேண்டும் - ஹிதாயத் சத்தார்

சர்தேசம் கூறியதைக் கேட்டிருந்தால் மகிந்த ராஜபக்சவினால் யுத்தத்தை வென்றிருக்க முடியாது. அதே போல் தற்போதும் சர்வதேசம் கூறுவதைக் கேட்டால் இளம் பாடசாலை மாணவர்களை இலக்காகக் கொண்டு விற்கப்படும் போதை பொருளுக்கு எதிரான யுத்தத்தை வெற்றி கொள்ள முடியாது என மத்திய மாகாண சபை அங்கத்தவர் ஹிதாயத் சத்தார் தெரிவித்தார்.(17.7.2018)

மத்திய மாகாண சபையின் மாதாந்த அமர்வு சபைத்தலைவர் எல்.டி.நிமலசிரி தலைமையில் பல்லேகலை மாகாண சபை மண்டபத்தில் இடம் பெற்ற போது அவர் இதனைத் தெரிவித்தார். அவர் தனிப்பட்ட பிரேரணை தொடாபாக உரையாற்றும் போதே இதனைத் தெரிவித்தார். அவர் மேலும் கூறியதாவது-

இன்று இலங்கையில் பரவலாகப் பேசப்படும் ஒரு விடயம்தான் போதை ஒழிப்பும், மரண தண்டனையும். இலங்கை சட்டப்படி 2 கிராம் போதைப் பொருள் வைத்திருந்தால் மரண தண'டனை வழங்க வேண்டும். ஆனால் கடந்த வாரம் மட்டும் ஒருவரிடமிருந்து பல கிலோ கிராம்கள் கைப்பற்றப்பட்டன. சில வேளை மெற்றிக் தொன் எடை கொண்டவை கூட கைப்பற்றப்பட்டுள்ளன.  எனவே இதன் பாராதூரத்தை சற்று சிந்தியுங்கள். 

அண்மையில் கைப் பற்றப்பட்ட போதைப் பொருளுடன் ஒரு தமிழர், ஒரு சிங்களவர், ஒரு முஸ்லிம் என மூவினத்தவரும் தொடாபு பட்டிருந்தனர். எனவே இங்கு நாம் தமிழ்,முஸ்லிம், சிங்களம் எனப் பார்க்க கூடாது. அது யார் கொண்டுவந்தாலும் சட்ட நடவடிக்கை எடுக்க வேண்டும்.

பாடசாலை மாணவர்களை இலக்காகக் கொண்டு பாடசாலைகளுக்கு அண்மையில் ஐஸ் கிரீம போன்றவற்றிலும் குளிர் பாணங்களிலும், மற்றும் பல்வேறு இனிப்பு வகைகளிலும் மிகச் சுட்சமமான முறையில் போதை வர்த்தகம் நடக்கிறது. இது திட்டமிட்டு செய்யப்படுவதாகும். .லங்கையில் உள்ள 5 பிரதான சிறைச்சாலைகளில் ஒன்றோ அல்லது பலதோ நாட்டின் n1ரோயின் கடத்தலுக்கான பிரதான காரியாலயமாக செயற்படுகிறது. எனவே போதைப் பொருளை சிவ்வரைக்கு விற்கும்  கிராம மட்டத்து வியாபரிகளை மட்டுமல்ல சம்பந்தப்பட்ட சிறை அதிகாரிகள் உற்பட சம்பந்தப்பட்ட அரச அதிகாரிகள் அனைவருக்கும் மரணதண்டனை விதிக்கப்பட வேண்டும்.

சில அமைச்சர்களது கூற்றுப்படி சிறைக்குள்ளே இவ்வர்த்தகம் நடப்தை ஏற்றவேண்டியுள்ளது. எனவே தராதரம் பார்க்க வேண்டாம். இனம் பார்க்க வேண்டாம். யாராகிலும் தண்டனை வழங்க வேண்டும். வெருமனே மரண தண்டணை மட்டும் போதாது. போதைப் பொருளுடன் தொடர்புடையவர்களும் மற்றவர்களும்  அச்சும் அளவு பகிரங்கமாக சுட்டுக் கொள்ள வேண்டும். இல்லாவிடில் நாட்டை காப்பாற்ற முடியாது. 

அதே நேரம் சில அரசியல் ரிதியாக மேற்படி விடயத்தை எதிர்கின்றனர். அப்படி கட்சி பார்க்க வேண்டாம். ஏல்லோரும் ஒன்றாக இணைந்து போதையை தடுப்பதற்கு நடவடிக்கை எடுக்க வேண்டும் என்று கேட்டுக் கொண்டார்.