2 பலஸ்தீன விஞ்ஞானிகள் அல்ஜீரியாவில் படுகொலை - மொசாட்டின் படுபாதகச் செயல்

அல்­ஜீ­ரி­யாவில் தொடர்­மாடி குடி­யி­ருப்­பொன்றில் இரு பலஸ்­தீன விஞ்­ஞா­னிகள் இறந்த நிலையில்  கண்­டு­பி­டிக்­கப்­பட்­டுள்­ள­தாக அல் ஜீரி­யா­வி­லுள்ள பலஸ்­தீன தூத­ரகம் அறி­வித்­துள்­ளது.

காஸா பள்­ளத்­தாக்கின் கான் யூனிஸைச் சேர்ந்த 34 வய­தான சுலைமான் அல் பர்ரா மற்றும் மொஹமட் அல்­பானா ஆகிய இரு­வ­ருமே கடந்த ஞாயிற்­றுக்­கி­ழமை இறந்த நிலையில்  கண்­டு­பி­டிக்­கப்­பட்­ட­வர்­க­ளாவர்.

ஆரம்ப கட்ட விசா­ர­ணை­க­ளி­லி­ருந்து இவர்கள் இரு­வரும் நச்­சு­வா­யுவை சுவா­சித்­ததன் மூலமோ அல்­லது மின்­சாரக் கோளாறு கார­ண­மாக ஏற்­பட்ட மின்­சா­ரத் தாக்­கத்­தி­னாலோ உயி­ரி­ழந்­தி­ருக்­கலாம் எனக் கரு­தப்­ப­டு­கின்­றது.

இரு விஞ்­ஞா­னி­களும் படு­கொலை செய்­யப்­பட்­டுள்­ள­தாக பலஸ்­தீன அறிக்­கைகள் தெரி­விக்­கின்­றன.

இரு தினங்­க­ளுக்கு முன்னர் அவர்கள் இறந்­து­விட்­ட­தா­கவும் கடந்த ஞாயிற்­றுக்­கி­ழ­மை­யன்று மாலையில் கட்­ட­டத்­தி­லி­ருந்து வெளி­வந்த வாயுவின் மணத்­தினை அய­ல­வர்கள் சுவா­சித்­ததைத் தொடர்ந்தே அவர்­க­ளது உடல்கள் கண்­டு­பி­டிக்­கப்­பட்­ட­தாக காஸா­வி­லுள்ள உள்ளூர் செய்தி முக­வ­ர­க­மொன்று தெரி­வித்­துள்­ளது.

இறந்­த­வர்­களுள் ஒரு­வரின் உடல் கத­வ­ரு­கிலும் மற்­ற­வரின் உடல் கட்­டி­லிலும் காணப்­பட்­ட­தாக அத் தக­வலில் சுட்­டிக்­காட்­டப்­பட்­டுள்­ளது.

எமக்கு எந்த விப­ரங்­களும் தெரி­யாது. அல்­ஜீ­ரியா மற்றும் பலஸ்­தீன தூத­ரக அதி­கா­ரிகள் இணைந்து என்ன நடந்­தி­ருக்­கின்­றது என்­பதை புரிந்து கொள்­வ­தற்குத் தேவை­யான அனைத்து நட­வ­டிக்­கை­க­ளையும் மேற்­கொள்­வார்கள் என நான் எதிர்­பார்க்­கின்றேன் என அல்­பா­னாவின் சகோ­தரர் தெரி­வித்தார்.

அண்மைக் கால­மாக உலகம் முழு­வ­தி­லிலும் பல பலஸ்­தீன விஞ்­ஞா­னிகள் கொல்­லப்­பட்­டுள்­ளனர். பெரும்­பா­லான சம்­ப­வங்­க­ளுடன் இஸ்­ரேலின் உளவு அமைப்­பான மொசாட்டின் தொடர்பு காணப்­ப­டு­கின்­றது.

மலே­சி­யாவில் பலஸ்­தீன விரி­வு­ரை­யா­ள­ரொ­ருவர் கொல்­லப்­பட்­ட­தற்குப் பின்­ன­ணியில் இஸ்­ரேலின் உளவு அமைப்­பான மொசாட்டின் தொடர்பு இருந்­த­தாக பலஸ்­தீன ஜிஹாத் அமைப்பு கடந்த ஏப்ரல் மாதம் தெரி­வித்­தி­ருந்­தது.

கொல்­லப்­பட்ட 35 வய­தான பாதி மொஹமட் பத்ஷ் தலை­நகர் கோலாலம்­பூரில் கூட்டுத் தலைமைப் பிர­தே­ச­மான இடனாம் புட­மே­ரி­யி­லுள்ள அவ­ரது இல்­லத்­திற்கு அருகில் வைத்து அதி சக்­தி­வாய்ந்த மோட்டார் சைக்­கிளில் வந்த இரு துப்­பாக்­கி­தா­ரிகள் அவரைச் சுட்டுக் கொன்­ற­தாக மலே­சியப் பொலிஸார் தெரி­வித்­தனர்.

கடந்த 2016 டிசம்பர் மாதம் 15 ஆந் திகதி துனி­சி­யாவில் ஸ்பெக்­ஸுக்கு வடக்கே ஏழு கிலோ­மீற்றர் தொலைவில் அமைந்­துள்ள எல் ஐன் நகரில் அமைந்­துள்ள தனது வீட்­டுக்கு முன்னால் வைத்து பலஸ்­தீன ஆளில்­லா­வி­மான நிபுணர் அமா­ஹமட் அல்-­ஸ­வாரி பல துப்­பாக்கிச் சூடுகள் கார­ண­மாகக் கொல்­லப்­பட்டார். 

ஸவாரி 10 ஆண்­டுகள் அதமு அமைப்பில் அங்கம் வகித்­தி­ருந்­த­தா­கவும் அமைப்பின் ஆளில்­லா­வி­மான நிகழ்ச்­சித்­திட்­டத்தைக் கண்­கா­ணித்து வந்­த­தா­கவும் தெரி­வித்­தி­ருந்த பலஸ்­தீன ஹமாஸ் அமைப்பின் ஆயுதப் பிரி­வான இஸ்­ஸடீன் கஸ்ஸாம் படை­யணி, இக் கொலை இஸ்­ரே­லி­னா­லேயே புரி­யப்­பட்­ட­தாகக் குற்றம்சாட்டியது.

கடந்த 2010 ஆம் ஆண்டு ஜனவரி மாதம் 19 ஆந் திகதி ஐக்கிய அரபு அமீரகமான துபாயிலுள்ள அல் புஸ்டான் ரொட்டானா ஹோட்டலில் வைத்து ஹமாஸின் சிரேஷ்ட இராணுவத் தளபதிகளில் ஒருவரும், கஸ்ஸாம் படையணியின் தாபகர்களில் ஒருவருமான மொஹமட் அப்துல் றஊப் அல்-மப்ஹொஹ் மொசாட் முகவர்களினால் படுகொலை செய்யப்பட்டார்.

 M.I.Abdul Nazar